Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars gene ralis
59 pastorem promoto succedebant clari doctrina Andreád Czengler et Thomas Doroticius. Posterior apud comitem Stephanum Illésházy anno 1596. stipendium pro octo alumnis sustentandis impetrabat. Emortuo anno 1609. praefato comite, successor ejus Casparus majoribus donis augebat scholam et docentibus providebat ad annum 1616. Martino Monkoviceno, 1619. Tobia Benedicti, sequentibus annis Melchiore Smrtnik, Joachimo Kalinka, Jacobo Majtan et Joanne Kucsera, qui editis eruditis tractatibus inclaruerant. Agmen docentium claudebat Matthias Rumeneczius, sub decennali persecutione amotus. II. Teuto-liptschensis. Altioribus studiis hic seculo reformationis praeficiebantur: Simon Jeszenszky, *) Petrus Borosch, Leonhardus Mokoschinus, Michael Zabanius, ex quorum discipulis plerique deligebantur in ministros ecclesiarum. Anno 1596. comes Stephanus Illésházy, anno 1619. comes Casparus Illésházy alumneum fundo donabant, qui auctus oppidanorum benevolentia, sufficiebat juventuti ad annum 1673., quo existente rectore Jeremia Rotarides schola haec eversa fuit. III. Sancti Nicolai. Familia praenobilis Pongrácz et membra reliqua ecclesiae conferebant beneficia ad alendam hanc scholam, cujus inter reliquos docentes clariores fuerant ad annum 1573. Martinus Záborszky, anno 1583, Leonhardus Baran, anno 1614. Martinus Lipóczy, anno 1646. Samuel Platani, quoad persecutione decennali sublata fuisset. Anno 1704. nobilitas liptoviensis in congregatione publica ex cassa comitatus decreverat salarium rectori Georgio Lischovini, ea ratione educationi filiorum suorum prospicere volens; coepta haec anno eVangeLICIs DepLoratlssIIMo in primis initiis exstincta sunt. IV. Nagy palugyensis. Ademtis aliis in ordinem reducebatur cura patronatus anno 1696. inducto rectore clarissimo Georgio Lischovini, qui in tantum perficiebat discipulos, ut anno 1705. Sámuelem Lischovini ecclesiae *) Hornyanszkinál i. m. 41. 1.: Tessenszky.
