Fabó András: Monumenta evangelicorum Aug. Conf. in Hungaria historica III.

II. Comitatus liptoviensis - Pars specialis - Sectio I. De ecclesiis in oppidis

60

tarnoczensi sistere potuerit ordinandum ministrum. Anno demum 1714. accepit docentem celeberrimum polyhistorem, Georgium Bu- cholczium, cujus coepta successores in schola continuabant pro modulo ad tolerantiae tempora. His addenda superest

V. Okolicsnensis.

Sub initium seculi praeteriti Sebastianus et Nicolaus Okoli- csányi erudiendae familiae suae hanc fundabant atque primum docentem Joan. Hrabecium praeficiebant. Per decursum seculi nullis parcebant sumtibus domini Okoliesányi, docentes discipulosque his accedentes liberaliter alendo, quoad anno 1676. Joannes Paulini rector extrusus fuisset. Ita Lexicon Korabinszkyi p. 499..

Minores scholas tacemus.

Pars specialis.

Sectio I.

De ecclesiis in oppidis.

Singula comitatus hujus oppida post tempora reformationis exercitio religionis evangelicae ditissima fuerant, quare instituti ordo deposcit, fata illorum describamus brevissime.

1.) Bobrovecz (Nagy Bobrócz).

Interest, primum reformatorem ecclesiae nominemus; documento destituti Matthiam Raduch et ejus successorem Matthiam Simonides inter primos pastores observamus. Hunc patriae filium anno

1598. per doctorem Hunnium Vittebergae ecclesia ordinandum curavit. Reliquos pastores serie continua in protocollis nominatos sub protectione illustrissimae familiae Illésházy, ad annum 1673. in summa pace rexisse ecclesiam, eadem testantur protocolla. Dicto anno die 23. febr. minister Zacharias Clementis ejectus fuit per Gábrielem Thuránszky. Hic fidelis pastor, existente in parochia plebano Francisco Mruzin, latitans, anno etiam 1679. grassante peste procurabat ecclesiam. Posteaquam Tököly arma sua intulisset comitatui, anno 1682. 20. dec. nostris ecclesia restituta ad annum