Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Sectio II. De ecclesiis in pagis
31 9) Derencs. A tempore reformationis, sub diversis dominis terrestribus, ad nostram aetatem exercitio religionis imperturbato felix ecclesia, utut satis pauper. Jam anno 1610. collapsum habuit templum, anno 1619. itidem reaedificatum, ruinat iterum, domini terrestres, Mária llomonnay, Jánoky et alii frequenter oblatis subsidiis somnolentos ut aedificent, diu excitare non poterant, quoad ligneum, quod super- est, anno 1696. aedificarunt. Filiales sunt : Esztrény, Hrussó, Potok, Lipócz et Pápocs. Ex his Hrussó cum Lipócz et Patak anno 1787. inclyti comitatus indultu separatae sunt a matre, ut infra dicemus, injurii saepe fuerant in suos ministros, quare et frequenter mutabantur, ut patet ex ordine eorum, qui sequens est: anno 1601. Nicolaus Bistricenus, anno 1604. Simon Eustachius, anno 1610. Georgius Albini, anno 1619. Andreas Haiszky, anno 1620. Georgius Albini, anno 1626. Adamus Lamacz, anno 1637. Georgius Piscatoris, anno 1643. Andreas Columbi, anno 1649. Matthias Bornay, anno 1650. Stephanus Kalinka, anno 1652. iterum Bornay, anno 1665. Georgius Gaudik, anno 1683. Georgius Institoris, anno 1690. Georgius Nicolaides, anno 1693. Jacobus Lúcze, anno 1720. Joannes Dlhányi, anno 1725. Matthias Albini, anno 1753. Georgius Sztehlo, anno 1758. Abrahamus Stranszky, anno 1759. Alexander Farkas, anno 1768. Andreas Schvantner, anno 1782. Stephanus Ján. 10) Dereske (Drskovcze.) Ecclesia nationis hungaricae köviniensi vicina, longo tempore sacris utebatur per Lutherum reformatis et anno 1595. fraternitati murányensi incorpoi’ata fuit; cum Licze atque Lévárt anno 1620. visitata, habuit pastorem Georgium Lányi, cui anno 1623- surroga- tus fuit Petrus Blasi. Illustrissima domina Maria Homonnay, domina terrestris, multis beneficiis ecclesiam auxit. Anno 1639. inductus minister Nicolaus Korponay, ad annum 1644. hos in pace docuit; privatis odiis incitati in pastorem, de mutanda religione agere incipiebant et licet comes Gabriel Illésházy, inducto Petro Syn pastore impedire voluit, tamen sub manu cooperante domina Mária Széchy, anno 1646. ab ecclesia nostra defecerunt et quodplebanum inducere licuit, ad Küvi infantes baptisandos deferebant.
