Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Sectio II. De ecclesiis in pagis
26 tatis senioratus. Felix perstitit coctus hic sanctior in pace ad annum 1673., quo exercitio religionis et templo privati sunt; illud receperunt anno 1683. tumultibus in regno sopitis, iterum anno 1689. deturbati. Idem fecerunt et sub Rákóczyanis motibus anno 1703., quibus et templum eis consignatum, verum gaudia haec triste exitium libertatis anno 1722. adferebant; afflictissimi adibant kövienses, bisztrenses aliosque in communione sacrorum ; tandem tolerantiae beneficio et templum et parochiam scholasque splendide posuerunt laetabanturque in cultu divino. Pastores erant : anno 1590. Benedictus Zamoscenus, anno 1602. Emericus Christiani, anno 1621. Ada- mus Coronides, anno 1632. Christophorus Mazarnik, anno 1644. Simon Lestachius, anno 1662. Emericus Christiani, anno 1682. Joannes Zabanius, anno 1703. Andreas Sexti, Andreas Leporis anno 1706. Georgius Valentini, anno 1783. Samuel Kellner. Sectio IX. De ecclesiis in pagis. 1) Balogh. Seculo sexto decimo temporum vicissitudinibus vexata ecclesia, postquam dominium arcis et possessionis ad magnificum dominum Georgium Széchy delatum fuisset, mox refloruit. Hic heros evangelicus intentus felicitati ecclesiae, anno 1618. virum clarum 1 eruditione, Jacobum Kottay, tandem anno 1632. venerabilis fraternitatis seniorem, nominavit aulae suae et ecclesiae pastorem atque sumptibus suis per superintendentem hungaricarum ecclesiarum, Nicolaum Gönczy, ordinandum voluit. Maria Homonnay, consors domini Széchy, aere suo templum aedificavit, altari affabre facto exornavit, imo vinea pastorem, quamdiu lutheránus fuerit, anno 1643. donavit gratiose. Meleghegy, Padár, Perjes, Uza-Panyit et Alsó-Ba- logh matri huic conjunctae fuerant. Anno 1658. Uza-Panyit recessit ad calvinianos, sensim et matri eandem doctrinam acceptam efficiebant in tantum, ut anno 1664. vix tertia pars incolarum penes sacra nostra remanserit ; existente jam in loco et pastore calviniano anno 1667. per inclytum comitatum tres partes proventuum paj
