Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Sectio II. De ecclesiis in pagis
27 rochiae traditae et anno 1670. templum parochiaque per incolas resignata est. Nostri dum neque locum pro oratorio impetrare potuerint, recesserunt cum sacris ad Padár, ut infra dicemus. Series pastorum est sequens : anno 1618. Jacobus Kottay, anno 1635. Andreas Dubniczay, anno 1646. Moyses Regis, anno 1658. Georgius Kendy, anno 1660. Georgius Noroszad, anno 1663. Paulus Hunnius et Paulus Bartholomaei, mortuus 1629. *). 2) Berzéte. Clarum est, hanc ecclesiam lutheranam diu fuisse, cui anno 1590. Philippus Urbanecz, legibus fraternitatis subscriptus, praeerat. Daniel Vaindling anno 1595. Csetnekino ob suspicionem doctrinae Calvini motus, datus his pastor, initia alterius doctrinae hic posuit; adurgente fraternitate, eodem anno die 12. nov. abjuravit calvinis- mum, ut loquitur protocollon, permansitque in parochia. Post hunc legibus subscripti pastores adsunt: anno 1602. Laurentius Czeglédi, et anno 1634. Joannes Jánosy, anno 1644. Joannes Szikszay; hi sensim firmata ecclesia in doctrina sua plenam secessionem a conjunctione fratrum anno 1645. indicabant simul cum pagis Körös et Rudnik, anno 1648. Rekenye ad csetnekienses accedente. De fatis ecclesiae lutheranae seculo praesenti apud berzétienses hospitantis jam ad Rosnaviam exposuimus. 3) Betlér. Anno 1608. filialis ad Rosnaviam cooperantibus dominis terrestribus, magnificis Andrásy, adhuc evangelicis, eodem anno avulsionem et jus inducendi ministrum a venerabili fraternitate obtinuit, atque anno 1610. praesente visitatore domino seniore in statum ordinatum est reposita. In hoc perdurabat ad annum 1662., quo dominus Nicolaus Andrásy templum simul cum omnibus aedibus ecclesiasticis occupavit et mortuo pastore Holio, seniore fraternitatis, anno 1664. ab inducendo alio incolas inhibuit, licentiato in parochiam illocato, vicini pastores fideliter tandem alternatim providebant ecclesiae, sacra peragendo; incolae suam causam in foris spiritualibus diligenter promovebant, ad tempus decennalis persecutionis, qua *) Talán : 1669.
