Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Pars specialis - Sectio I. De ecclesiis in oppidis
25 eraot templum, calicis effigie hodiedum insignitum. Illucescentem initio reformationis doctrinam evangelii cum aliis recipiebant prom- tissime, tandem turcicis irruptionibus, totidem ut kövinienses vicibus, ad incitas redacti, templum, coemeterium, parochiamque collapsa sub finem seculi sexti decimi habebant. Anno 1596. visitata ecclesia per ven. seniorem Rimanoviani, habuit filias Bisztra, cui templum jam adfuit inaedificatum, Répás, Filir, Ploszko, Gerlicza, Krokava, Szuchá, Lipócz, Róna-Patak media pars. Per decursum praeteriti seculi nunquam interruptum usum religionis exercitii ad hanc etiam diem eadem beata habuit. Anno quidem 1675. crescentibus persecutionibus evangelicorum et huc plebanus Hirko dictus (anno 1677. per praedones tumultuarios extra oppidum vita privatus) fuit illocatus, exercitium tamen nostri in domo privata feliciter retinuerant, praesente fideli evangelii ministro, ut clarum est ex serie pastorum continua : anno 1593. Emericus Christianus Chisnenus , anno 1603. Matthias Raskoviczius, anno 1607. Joannes Arnbrosiades, anno 1609. Joannes Vietoris, anno 1610. Samuel Severini, anno 1619. Venceslaus Astronomi, anno 1624. Si mon Dubeczius, anno 1637. Georgius Dubovinus, anno 1645. Georgius Ribár, anno 1647. Michael Prichradny, anno 1653. Stephanus Fidicinus, anno 1660. Stephanus Szentkereszty, anno 1683. Georgius Kapiri, anno 1687. Michael Reviczky, anno 1707. Joannes Nicolaides, anno 1724. Joannes Steigner, anno 1751. Andreas Schmal, anno 1767. Michael Szinovicz, anno 1776. Fridericus Co- roni, in praesens venerabilis fraternitatis senior; feliciter ! Recedente Bisztra, haec mater retinet porro filias Répás, Szuchá, Ploszko et Róna-Patak partem minorem. 8) Nagry Rőcze (Revúcza). Praesentibus et praeteritis fatis fere aequalis cum ecclesia jolsvensi, dum sint oppida ejusdem dominii. Post depopulationem turcicam, quae anno 1556. evenerat, per praesidium arcis Murány defendebatur, atque sub illius pastoris et praefecti directione in sacris etiam refloruerat, ut ex parte generali comitatus hujus est clarissimum. Mokralúka, Revúczka et Zdichava, ejus filiae olim, modo duae posteriores affiliatae. Jam anno 1596. pastor hujus Benedictus Zamoscenus, meruit dignitatem ecclesiasticam venerabilis fraterni-
