Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Pars specialis - Sectio I. De ecclesiis in oppidis
21 3) Dopschau (Dobsina.) In valle rosnaviensí existens, mature recipiebat repurgata sacra; certissimum est anno 1560. singulos ritus evangelicos jam adfuisse, teste protocollo venerabilis fraternitatis I. pag. 310.; paulo post tureis subjecta, affligebatur frequentissime, quoad per hos devastata fuisset, existente pastore Casparo Pilcio, doctrinae Calvini addicto, qui historiam devastationis typis editam reliquit chronostico sequenti inscriptam : Bis septena Dies oCtobrls Vt aXe refVLget DopsChlna fLebILIter tVrCICo ab Igne perit. Residui oppidani a clade hac, mox anno 1585. rectorem scholae antea Sigismundum Peczelium alias Atzmann (cujus itidem uxorem tureae anno 1573. in captivitatem abduxerant) constituebant pastorem, qui ordinatis rebus ecclesiae et specificationem proventuum consignatam inter venerabilis fraternitatis documenta reliquit. Felix pace ecclesia per seculi decimi sexti cursum, ad nostram etiam aetatem retinet exercitii usum, qui anno 1675. administratore parochiae existente plebano vlachoviensi, interturbatus quidem fuit , verum in domo privata nostris constanter cum ministro religionis suae cultum retinentibus, vi legum anni 1681. confirmatus, permansit, simul cum reddito templo anno 1746. illocatus in oppidum ple- banus jam 1790. templum aedificat nostrosque metu liberat, quem ad Csetnekinum descripsi. Pastores ecclesiae sequentes habent pro- tocolla : anno 1584. Casparus Pilcius, anno 1585. Sigismundus Pe- czelius, anno 1627. Michael Lachanius seu Kraut und Fleisch, anno 1637. Valentinus Schirger, anno 1646. Philippus Heutschelius *), filius, anno 1667. Joannes Metzelius, anno 1669. Gregorius Hirsch, anno 1704. Daniel Budeus, 1716. Sámuel Platani, anno 1722. David Frühauff, anno 1731. Jacobus Szolkovius, anno 1753. Joannes Ruffiny, anno 1789. Godofredus Raffiny, filius praefati superintendentis. *) Helyesebben : Heutschius. Lásd : Monumenta evang. aug. conf. in Hung, historica I. köt. 78. 1., vagy :Beiträge zur Ge- schicte evangelischer Gemeinden ln Ungarn. Herausgegeben von Victor Hornyanszky. Pest. 1863. 43. 1.
