Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Pars generalis
9 §. 4. Ecclesiae in hoc comitatu statim ac potiori ex parte reformatae fuissent, slavonicarum ecclesiarum normam regiminis sequebantur et eum in finem constituebant personas ecclesiasticas, ut praesint gerantque inspectionem in res ac personas sui ordinis, quas seniores appellant. In defigendo ordine tali cum ministris et membris ab ecclesiis submissis, etiam e numero plebis delectis, plurimum laborabat in conventu muranyensi, anno 1564. habito, magnificus dominus Melchior Maschko de Nyderlaysz, praefectus arcis Murány ; qua occasione per delectum primum seniorem leges simul, praesertim ob morum, doctrinae et cerimoniarum uniformitatem inducendam stabiliendamque, primum conscriptas recipiebant congregati. His data est ab ecclesia seniori potestas, ut in vitam et doctrinam pastorum inquirat, visitationes ecclesiarum peragat, ordinatos investiat, vacantibus ecclesiis prospiciat, curam bouorum ecclesiasticorum gerat, casus matrimoniales revideat, jurisdictionem fori spiritualis in suos exerceat, errantes observatis admonitionum gradibus reducat, immorigeros ab officio amoveat, verbo : gubernet ecclesiam cum additis consenioribus et assessoribus in salutem omnium, ut continent singula haec leges fraternitatis antiquae atque literae comitis palatini Georgii Thurzo anno 1610. de auctoritate senioris emanatae. Amplitudo comitatus et temporum vicissitudines plures tales deposcebant seniores ; quare seculo reformationis majores nostri in duas fraternitates subdivisas habebant ecclesias, utpote mu- rányensem et csetnekiensem. Prior receperat in societatem kis-bon- tenses etiam, cum quibus eodem seculo viginti duas numerabat ecclesias eadem fraternitas, utpote : Murány, Röcze, Alnovia, Süvette, Kövi, Ratkóvia, Deresk, Gécze, Ribnik, Budikova, Bradno, Derencs, Kraszko, Szkálnok, Hrachovia, Szuchá, Kokava, Krónbánya Bre- zóvia, Nústya, Taxovia et Kraszko (?) Seniores murány ensis fraternitatis hos invenio : Anno 1564. Cyprianus Friedt, pastor murányensis. „ 1575. Martinus Reinhardt, ibidem. „ 1594. Joannes Rimanoviani, ibidem. „ 1596. Benedictus Emerici zamostensis, pastor nagy röczensis. „ 1598. Georgius Fabricius, pastor Jolsvae. Csetnekiensis fraternitas, post separationem ecclesiarum bun- garicarum, quae post annum 1564. sensim calvinianae factae, non-
