Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars prima - Caput II
87 Tobias Brunczvik. Comitis Stanislai Thurzo Regni Hungáriáé Proregis in aula Szemptaviensi Concionator et X. Comitatuum Superintendens, ab Isaaco Abrabamide et M. Job. Hodikio Superintendentibus anno 1620. inauguratus, vir laboriosus et boni ordinis multo amantissi- mus. Superintendens constitutus, ne officio defuisse videatur, Synodum Semptaviensem, collate cumProrege consilio, an. 1622. convocavit, in qua XX. Articuli de regimine ecclesiastico conditi et a Stanislao Thurzone Prorege eodem anno 1. sept, confirmati sunt, quorum Autographon a) manu sigilloque Proregis adpenso confirmatum inter scrinia Cl. Hajnoczii Rectoris olim Semproniensis ad- servari, ipse in memorata saepius epistola confitetur. Num ille idem sit Bruuczvikius, qui ab an. 1605. ad an. 1620. illustri tum scholae Csepregiensi b) praefuit et demum apud Galgoczienses Minister factus, multis Nitriensium promissis inductus religioni Lutherano-Evangelicae nuncium misit, uti magnus alioquin vir arbitrature), non definio, quamvis in eam ego propendeam senten tiam, Superintendentem hunc nostrum a Galgocziensi illo, qui a nobis desciverat, discriminandum non esse, cum non tantum in aula Semptaviensi Concionatorem egerit, sed etiam officio Pastoris Hungarici apud Galgoczienses fuerit defunctus. Hujus causa sacer ibidem institutus fuit Conventus, in quo etsi de veritate doctrinae Lutheri multis argumentis fuerit convictusa sententia tamen, quam semel animo conceperat, se abstrahi passus non est d), homo omnium maxime temporarius et utilitatis magis, quam melioris conscientiae tenacior. а) De his videri potest Histor. Diplom, p. 35. § XXXVI. ubi canones illi recensentur. б) Schola Csepregiensis typographia olim insignis, prolixa I. gentis Nádasdianae liberalitate sustentabatur, de quibus, imprimis Francisco, Thoma et Johanne vid. Czuittinger in Spec. p. 276. c) M. Joh. Hodikius, qui inaugurationi Brunczvikii interfuit, Szeredini adseripsit sequentia : Hic Brunsvikius turpis postea apostata factus est. d) Haec ex fragmentis Gymnasiologiae Rezikianae, quae amicus quidam in Scepusio possidet, me didicisse profiteor. Huic ego sententiae tanto lu- bentius adstipulor, quanto certior sum, Rezikium in consignandis virorum fatis multo accuratissimum existimari.
