Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars prima - Séctio II.
56 tantum illustrem scholam Banoviczii in ditione sua erexerat, sed etiam M. Eliam Ursinum a) Wittemberga evocatum eidem praefecerat, nequid hac vice de Alberto Gravero b) a Spectabili condam Gregorio Horváth Stansith de Gradecz, Neerinuro, et Samuele Pomario c) per Illustr. Collegii Inspectores Eperjesinum evocato percenseam. Ita eo tempore exteri studia Hungarorum amplificabant et de sanctiore republica Evangelica haud vulgariter merebantur. Huc jure optimo retuleris M. Petrum Zabelerum Haync in Misnia natum, qui melioribus litteris dedicatus, tanta cum diligentia Musis in schola patria operabatur, ut ex sententia Praeceptorum declinante ad finem seculo XVI. Wittembergam concesserit, studia, quibus se tradiderat, magna animi contentione amplificaturus. Nec defuit honestis ejus destinationibus cum fortuna Deus; siquidem in omni vitae studiorumque genere ita versabatur, ut non minus amorem Praeceptorum sibi conciliarit, quam dignus fuerit aestimatus, cui optimo jure axioma Magistri conferatur. Explicandae eruditionis campum quaesiturus in Hungáriám propitia fortuna delatus est et in Lib. Regiaque Civitate Cassoviensi Minister fuit constitutus, ubi tanta cum integritate commissas sibi partes obibat, ut I. ecclesia Leutschoviensis dignum virtuti Zabelerianae pretium poa) M. Elias Ursinus Deütio-Misnicus confirmatis Freibergae atque demum Wittembergae studiis, ab 111. Comite Stephano Illyésházy ad regendam scholam Banoviczensem evocatus, per annos 5. eidem praefuit. Eo plane tempore apud Pragenses schola Bohemico-Germanica fuit excitata, cui Ursinus Rector datus nonnisi per biennium eadem provincia defunctus est. Praga enim Leutschoviam in moderatorem scholae evocatus, postquam sua fideliter exequeretur, dignus habitus fuit, cui provincia quoque Ministri ibidem an. 1617. adderetur. Postremo Igloviae Pastoris officio functus in funere Stanis- lai Thurzonis 12. Jan. an. 1626. Leutschoviae sepulti pro concione dixit, vir de coetu Evangelico optime meritus. h) DeAlberto Gravero, quantum ad hanc rem satis est, videri potest oratio mea Eucharistica, occasione inaugurationis Georgii Ambrosii Superintendentis habita et gratia posteritatis 1745. impressa. c) Samuel Pomarius Theol. Doctor ab exteris ad regendum Collegium Eperjesiense an. 1666. evocatus et supremus ejus director constitutus fuit, post ademptum vero an. 1671. Collegium in exilium actus, ecclesiarum Lube- censium Superintendens salutabatur, postquam in Hungária non minus docendo quam scribendo nomen suum immortalitati consecrasset.
