Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars prima
16 M. Johannes Hodikius. Ecclesiae Trenchiniensis Pastor fidelissimus, omni mea praedicatione superior. Hic magno Ecclesiae Evangelicae commodo in Inc. Comitatu Thurocziensi, patre Rev. Balthasare Hodikio Pastore Totpronensi, matre Veronica natus, a primis statim pueritiae annis ita studiis animum adplicuit, ut divinarent non pauci, eum in posterum non vulgare rebus Evangelicis decus allaturum. Praeceptorem sibi haud incogitate delegerat, virum regendis formandis- que ingeniis aptissimum, Paullum Malus «) alias Jablonovszky scholae Galgotziensis b) Rectorem, cui ne qua desultoria levitate egisse videretur, Continuo 8. annis adhaesit et inter tacitos Musarum recessus ita in omni studiorum genere excultus fuit, ut arbitrio Superiorum apud Galgotzienses provinciam Con- Rectoris per biennium magna cum nominis sui commendatione obierit; Haec dum fiunt, Illustris Comes Stanislaus Thurzo c), egregius ingeniorum censor, Hodikium nostrum, ampliandorum studiorum causa, Wittembergam ablegat et sumtibus ad transigendam cum utilitate vitam Academicam, pro sua in litteras benevolentia, liberaliter instruit, cui Hodikius gratum pro beneficiis animum declaraturus, inscripsit Partitionum Theologicarum Disputationem V. de Angelis, quam sub praesidio Jacobi Martini Wittembergae Anno 1611. cum laude tuitus est. Tempus omne apud exteros ita exegit, ut exspectationi Majorum egregie responderet et post biennium praemii loco gradum Magisterii consequeretur. Redux in patriam non Sempthensi tantum, sed Bitscbensi etiam scholae tanta cum laude praefuit, ut postquam coetui Divékiensi sua probavisset officia, An. 1614. omnium suffragiis ad regendam amplissimam Trenchiniensium ecclesiam fuerit vocatus. Dici satis non potest, quanta cum dexteritate commisso sibigregi praefuerit, vir et emendatae religionis, nec non a) De Paullo Malus videri potest p. 11. b) Schola Galgócziensis, quae sub initium Seculi superioris egregie floruit, benevolentia Illustris gentis Thurzonianae, imprimis Com. Stanislai Thurzo, insigni purioris Dei 'coetus commodo, sustentata fuit. c) Comitem Stanislaum Thurzo Proregem Hungáriáé laudavit ad posteritatem M. Elias Ursinus Igloviensis Pastor, et M. Petrus Zabelerus Superintendens in sermonibus funebribus Cassoviae An. 1626. editis.
