Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars secunda
144 Liegnicensi, pago Leidersdorf a). Sedata, auctoritate Augustissimi Imperatoris Leopoldi, decennali illa ecclesiarum Evangelicarum divexatione, Yen. pater ex Silesia in Hungáriám revocatus et ecclesiae Brezoviensis Minister factus, in eo diligentissime elaborabat, ut filius Samuel optimis praeceptoribus commendatus in spem afflictissimae patriae succresceret. Hinc non tantum Solnae, Zulyoviae, Neosolii, Szent Ivanii, Kesmarkini et Nagy Palugyae studia percoluit, sed vel maxime Moschoviae Krmanni et Cremni- cii Danielis Parschitii b) institutione usus ita profecit, ut an. 1690 Zittaviam delatus magno illi Weissio per quadriennium non sine utilitate adhaeserit. Sed neque his cancellis animus discendi cupidus poterat contineri. Hinc relicta Zittavia an. 1694. Wittember- gam commigravit et 13. Julii Rectore Michaele Strauchio in numerum civium academicorum cooptatus est. Quomodo tempus studiis academicis destinatum sub Deutschmanno, Loeschero, Haneckenio, Neumanno, Dassovio et reliquis collocaverit, vel hinc condiscas, quod intra biennium ter in publicum prodire et vires suas inter eruditos disputando periclitari fuerit ausus. Hoc tantam nomini ejus addidit commendationem, ut 1696. ad regendam amplissimam ecclesiam Bottfalvensem , in Comitatu Nitriensi prope Vág-Ujhely sitam, vocaretur et 22. April, ejusdem anni Dresdae ministerio Chri- stophori Schraderi Generalis Superintendentis sacris ordinibus initiaretur. Patriae singulari Dei providentia restitutus primum Festo Ascensionis suggestum apud Brezovienses ascendit et sequente statim Dominica Exaudi, opera Danielis Krmanni, tum Ven. Contubernii Notarii, ecclesiae commendatus est. Vix bienniam abierat, dum majorum suorum consensu in matrimonium duceret virginem multo commendatissimam Catharinam, viri Plur. Rev. Geora) Hoc propter decennalem illam persecutionem factum fuisse nemo non advertit. Pater enim acerbiora quaeque declinaturus in Silesiam se receperat, ubi divina providentia in pago dicto filium nasci contigerat, ab exilio in patriam revocandum. i) Vitam Danielis Parschitii dedit Czvittingerus in Specimine Hungáriáé Litteratae p. 296., qui diversa fata sua optime complexus est, cum Jo- nae Coledano Album eidem exhibenti ita subscriberet: Daniel Parschitius primum 111. scholae Gustrovianae in Ducatu Meklenburgensi Conrector, dein Modrensis, mox Cremniciensis Rector, tandem post carceres decennales Soranae, quae in Lusatia interiore est, jam iterum Cremniciensis Rector, Calendis Martii anno 1692.
