Fabó András: Monumenta evangelicorum Aug. Conf. in Hungaria historica I-II Pest 1861-1863.
I. kötet - Pars secunda
133 siue celebritate nominis versatus est, usquedum an. 1681. restaurato post comitia Semproniensia Collegio Eperjesiensi g) ad professionem poeseos et eloquentiae ab iis, qui iu partem curarum veniebant, vocaretur. Hic ita commissas sibi partes obibat, ut procedente tempore philosophiae, et postremo theologiae professor fuerit constitutus. Sed dum destinationes ejus publicis motibus et nova rerum patriae revolutione turbarentur h), in exilio vivere coactus est, usquedum restituto Eperjesiensibus religionis exercitio ad functionem ecclesiasticam vocaretur, 20. Maji an- 1705. ministerio Superintendentis Zabeleri sacris ordinibus initiatus. Quam strenuum in administranda hac provincia se praestiterit, vel hinc pronum est existimare, quod vix sex abierint anni, dum mortuo Zabelero Lib. Reg. Civitatum et vicinorum Comitatuum Superintendens constitueretur. In eo loco constitutus ita officium administrabat, ut et sibi conciliaret laudem perpetuo duraturam, et exspectationi omnium bonorum cx aequo responderet. Praeterquam enim quod profunde fuerit eruditus: etiam longo rerum usu in dirigendis cum auctoritate eccelesiis ita erat exercitatus, ut tempestivae ejus severitatis adhuc non pauci recordentur, si paterna castigatio nomine severitatis debeat appellari. Nam dum integra ei foret aetas, et blande conni- vebat, ubi erat opportunum, et si res ita postulare videbatur, castigabat. Hoc ei, dum viveret, inter multa reliqua peracerbum erat, quod talibus quoque sacros contulerit ordines, qui, dum adstrictam vivendi rationem sequi nollent, abnegata fide Evangelica, aliena potius sacra fuerunt secuti i). Sub finem vitae miser erat et in tristi g) Invaleseente persecutione non tantum Pomarius, sed etiam collegae ejus Isáacus Zabanius, Elias Ladiver et reliqui loco cedere jussi tristem collegii faciem ad an. usque 1681. e longinquo intueri habuerunt necessum. Quod etsi eo tempore nostris fuerit restitutum, brevi tamen iterum cum omnibus stipendiis huc pertinentibus ademtum fuit, libero religionis exercitio ultra moenia civitatis exturbato. h) Non est operae pretium prolixe percensere, quam iniquis modis Hungária eo tempore fuerit divexata, dum non tantum juratus nominis Christiani hostis, Turea, an. 1683. Viennam oppugnarit: sed etiam Emericus Thifkelyi, hac opportunitate usus, licentiose per Hungáriám fuerit grassatus, non sine magna, quod eventus probavit, innocentium Evangelicorum divexatione. «j Tales erant: Joh. Benedik Minister Lófalvensis, cui primum manus imposuerat Schvartzius, Joh. Kegyer Pastor Köszegiensis et Lemessanensis jam, ut loquuntur, Licentiatus Vidernikiensis, et Mart. Dévai Minister Cassoviensis.
