Fabó András: Monumenta evangelicorum Aug. Conf. in Hungaria historica I-II Pest 1861-1863.

I. kötet - Pars secunda

104

tum carceres, in quos cum Ladislao et Matthia Corvinis Budae an. 1458. a Ladislao Posthumo rege conjectus est, forti animo pertulit b), sed etiam praeclara rerum patriae procuratione hoc meruit, ut dum Matthias regum Hung, olim felicissimus praeter exspectationem moreretur, eidem deducendi funeris et procurandae sepulturae munus, communi Procerum regni sententia, deferretur: qui non raptim, ut Cromerus existimavit, sed augustali prorsus et digna tanto rege celebritate maximaque totius regni adprobatione delatam sibi provinciam exequutus este). Quod virtutem militarem adtinet, Franciscus Bodo, aetate sua inter fortissimos belliduces numeratus fuit, dignum profecto immortalitate nomen, si aequiori semper bello vires suas impendisset. Hoc ad laudem ejus satis est, quod cum an. 1523. Ferhates Begus cum milite turcico Savum praetergressus barbara feritate in Hungária saeviisset, Franciscus Bodo cum Paulo Tomorio et Georgio Battyánio, caesis barbarorum

XV. millibus, collapsam gentis suae fortunam, successu ad miraculum felici, reparavit d). Nec defuerunt familiae Bodoianae, qui eam melioribus litteris illustrarent. In his praeter Michaelem et Casparum e) merito censendus est Summe Ven. quondam Andreas Bodo de Bodofalva, Eccl. Evang. in Inc. Comitatibus Gömőriensi, Kis Hontensi, Tornensi, Borsodiensi et Szolnokiensi Superintendens dignissimus. Natus hic fuit in Inc. Comitatu Thurocziensi pago Bodofalva, primitus Othmár dicto, an. 1636 patre nohilb Daniele Bodo, matre autem Jezerniczkiana. Ea tum erant tempora ut ne Thuroczienses quidem scholis Evangelicis destituerentur. Nam uti passim tradebantur studia, quibus puerilis aetas imbui debet, ita apud Moschovienses et Martiuopolitanos locus erat perdiscendis melioribus litteris ut quamplurimum opportunus. Hic ad superiora praeparatus, cum ad sacratiores illas litteras, aliorum quoque popularium exemplo propenderet, salutatis celebrioribus patriae

i) Vide Gregorii Pethő Chronicon Hung. p. 77. aci a. 1458.

c) In hanc rem praeter ceteros consuli meretur Joh. Sigism. Podlusani de Balasch Plebani Carponensis de rebus gestis Hung. Regum pars 1. p. 406.

d) Videatur citatus Podlusani ibid part. 1. p. 482.

e) Michael Bodo seu Bodovinus fuit an. 1586. ecclesiae ad aedem D. Mariae apud Thuroczienses Pastor : .Casparus autem filius ejus an. 1610. Ujhelyini ad Kiszuczam scholae Rector : non Bodovinus, sed Bodorovinus hic Rector fuit. (Az utóbbi mondat másénak látszik.)