Fabó András: Monumenta evangelicorum Aug. Conf. in Hungaria historica I-II Pest 1861-1863.

I. kötet - Pars secunda

103

Caput XX

de

Superintendentibus Cis-Tibiscanis.

In superioribus Hungáriáé partibus sub initium hujus seculi non tantum Inclyti Comitatus cis Tibiscum siti, sed Liberae etiam Regiaeque Civitates peculiarem suum venerabantur Superintendentem. Hinc ut distincto ordine praesens decurrat Commentatio, Caput hoc duplici Membro definietur. Feliciter.

Membrum I

d e

Superintendentibus Inclytorum Comitatuum.

Hic principe loco mihi designandus est hac vice

Andreas Bodo.

Quod olim de Pomponio Attico memoriae prodidit Nepos, eum ab origine stirpis Romanae generatum perpetuo a majoribus acceptam equestrem obtinuisse dignitatem, idem haud incogitate de nostro pronunciari potest, qui Inclytae gentis Bodoianae decora et servavit studiosissime, et multis fortunae accessionibus haud vulgariter amplificavit. Si enim verum est, quod nemo dubitat, natalem magni viri locum anno adhuc 1258. liheralitate Belae IV. Regis majoribus ejus collatum fuisse a), quis est, qui non facile intel- ligat, jam tum in gente Bodoiana praeclara virtutis bellicae aut fidelitatis in regem documenta exstare debuisse? Nec procedente demum tempore gens haec descivit ab ingenio, sed virtute militari fidem regi et regno adprobabat. Casparus profecto Bodo non tana) Yid. Regestum de Thurocz § II., quod ab Emerico Bubek JudiceCu- riae Regiae jusau Sigismundi regis ad refellendas Joh. Litterati fraudes con cinnatum fuit. Yid. Belius Tom. II. Notitiae Hung. p. 323. seqq.