Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS TERTIA ab A. 1780–1817
126 rimi utrique reipublicae cum laude et praesunt et praefuerunt. Hic etiam noster Joh. Szeberinyi, cujus vitam et labores breviter adumbrare pergimus, die 1-a anni 1780. in oppido Welicsna ecclesiae evang. est donatus atque per parochum loci r. catholicum ritu baptismatis numero Christianorum adsertus. Patrem venerabatur Stephanum, ruricolam, matrem vero Susannam Török. Primas litteras tractare coepit domi,sub Mich. Schulek, quem etiam, cum ad vicinam scholam isztebnensem ornandam vocatus esset, eorsum secutus est, ibique per triennium, ob tenuiorem parentum conditionem puerum mendicantem agens, grammaticalia didicit. Ob eximias, quas tum iam coepit ostendere, animi dotes, singularemque in litteris tractandis assiduitatem, apud Franc. Bajcsi ecclesiae scholaeque patronum eum consecutus est favorem, ut cum is an. 1792 Rosnaviam habitatum concederet, nostrum quoque, disciplinarum ultro tractandarum causa, secum acciperet. Unico tantum Rosnaviae morabatur anno, sequenti autem Eperiessinum discessit, tractans Syntaxim quidem sub Dan. Walleitner, rhetorices autem et poéseos, praecepta sub Andr. Mayer et Sigism. Karlovszky. Eperiessini quadriennio aegre admodum, ob rerum penuriam, exacto, ut sibi linguam germanicam redderet notiorem, Kesmarkinum abiit atque philosophica sub Adamo Podkoniczky, Joh. Asbóth, Joh. et Christ. Genersich, Andrea item Lamer sedulo didicit. Theologicis denique imbutus est partim Eperiessini, ad quos an. 1799. remeavit, partim Posonii, et hic quidem ab an. 1801 —1803. institutione cel. virorum Szábel, Bilnicza, Fábry, Stanislaides et Tekusch usus. Anno 1803. deposito sic dicto Can- didatico examine, postquam aliquandiu partim privatum egisset informatorem, partim classi syntaclicae, qua supplens, praefuisset, sequenti tandem Jenám venit atque die 4-a Maii albo academiae est illatus. Hic per dimidium alterum annum diligenter studiis incumbens audivit Grieszbachium, Gablerum, Augustium, Ulrichum, Friesiun», Voigtium, Fischerum et Kastnerum imo cel. etiam J. F. Gallium de cerebro, cranio et organis, animi praelegentem, summa cum aviditate auscultabat. In Botanica magistrum habuit Schelverum, in minerographia Lenzium. In philologicis permulta debuit eruditissimo Eichstadio, apud quem praelerprivatissima in latinis, in Homeri Iliadem, in romanorum satyricos Horatium, Juvenalem et Persium, nec non in orationes, quae vulgo Ciceroni adscribuntur, a Woifio editas, recitationes audivit, societatis etiam latinae exercitationibus, sub praesidio eiusdem viri, diligenter interfuit. An. 1805. d. 19. Sepi, deseruit Jenám, atque patriae redditus biennio apud mercatorem Kriebel, proli educandae intentus, Posonii vixit, usque dum an. 1807. ecclesiae Nitra-Zerdahelyi-
