Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)

VI. Archidiaconatus Posoniensis

VI. ARCHIDIACONATUS POSONIENSIS

haud consecrata. Duae vineae in Reche (quarum altera in duas divisa nunc est) ab hoc templo dudum ab alienatae: quo pacto, ignoratur. Ager (egyház földe, Parochi fuit) 7. iugerum, duobus in locis, incultus.

Calices protulerunt 4. patenam unam et Monstrandae argenteae superiorem partem: reliqua deperdita. Duo Sacerdotia sive beneficia antiqui codices referunt, cuique beneficiato aedes propriae, et census a civibus, alteri flor. 20. alteri flor. 22. dabatur annuus: adeo tunc parvo vivere licuit.

Binos alunt Praedicantes, Ungarum Calvinistam, et Lutheranum Germanum. Illi flor. 60. et 40. cubulos frumenti, huic flor. 23. totidemque cubulos praebent. Domicilia cuique pecularia assignarunt. Baptisma recipiens den. 12. Introductione utens tantumdem repraesentat. Matrimonio iunctus Ungarus den. 25. Germanus duplum numerat. Terrae mandatus den. 25. interdum 35. a funerea concione den. 50. 80. et 100. praesertim Germanico Praedicanti exolvit. Ludum eiusque moderatorem Ungari habent, cui flor. 18. totidemque cubuli frumenti a communi dantur. Discipuli 15. aut 20. praestant eaque Samariae.

Nomen Oppidi Germanice Leperstroff, civesque prius Germani omnes: nunc Ungari e varijs sedibus huc appulsi, quibus Praedicans in curia oppidi condonatur, loco vel ad tabernam importuno: quo circa aiebam ut potius in templo ante vel post sermonem Germanicum id perficiat. Dies festos promulgant, passim etiam haeretici in Chaloköz praesertim, more Catholicorum, eo quod Comitatus publico decreto ita sancitum sit: attamen non colunt neque observant. Reperi in Ecclesia corbes frumentarios, vascula et cistas quae iussi efferri, declaravique, ob periculosa belli tempora (quae Deus avertat) ac petulantem ultro citroque commeantis audaciam militis, paucas horas, dies- ve, res prophanas in loco sacro recondi posse, secus minime, et sublato periculo rursus domi reponi debere. Praestiti hoc ipsum in aliorum quoque districtuum Ecclesijs non nullis ubi similes res deprehendi. Porro domus in Chötörtök summum 70. animae 400. Catholici duo tantummodo, et ii conciones adeunt haereticas. Fundus est S[anctus] Georgianus et Eberhardianus domini omnes omnino Catholici. Mirari levissime dicam, potes Praedicantes in tot possessionibus ab eis tollerari, cum tanta, ut ipsémét bene norunt, animarum iactura. Tractatus sum liberaliter ex cibarijs Oppidanorum et pretium Cathedrae persolutum, tametsi non plane integre.

32. Chakany

Chakany

Devenimus iterum ad Ecclesiam Catholicam Sfancti] Michaelis nempe de Chakany, cuius dedicationis memoriam eo ipso die recolunt. Non omnino sarta tecta est, attamen Deo gratiae, quod vel ita habeat. Ara et statua divi Archan- geli extat. Tabernaculum sacra hostia vacuum: fons baptismatis exsiccatus: pixis sacrorum liquorum inanis. Sacristia 4. Casulas et unum cum patena calicem conservat: alius apud Thomam Abbatem Pilisiensem (cui pagus subditur) remanet. Coemeterium lapide structum. Campana apparet.

289