Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. Parochiae aedes vacant Parocho, cuius iugera 24, si residet communi aratione coluntur: si nemo sit Parochus, elocantur, nona segetum parte templo excisa. Solent praeterea den. 6. et cubulum frumenti Parocho contribuere, et a functionibus Ecclesiasticis instar aliorum sese non ingratos declarare. Cogitant cum Catholico Nagy Magyarensi curatore pacisci. Interim Inquilinus Parochi templo, quae debet, praestat. Scholam super vacaneam arbitrantur. Unico excluso, Catholici omnes, humanitate multos Chaloköziensium antegressi. Domus 16. animae fere 100. Madaraz Eberhardiensis pagus huius Parochiae iura pertinens, et ab ea et a religione ad Fél defecit, casas 8. circiter et animas 40. complexus. Mediam partem Cathedratici census numerarunt, mediam in- dulsi, cum non habuerint unde solverint. 33. Fél Fél Non postrema censenda haec S[ancti] Nicolai Ecclesia, cuius altare tabulatum sculptura picturaque insigne. Iconoclastae Calviniani ex ara maiori deturbantes, Vulcano consecrare aut confringere volebant: postea metu perculsi ad finem templi abiecerunt, nec in pristino loco collocare aut statuere est animus, quam quam admonitio mea non defuit. Verum eam flocci, dubio procul nausique aestimant et hi et omnes haeretici, nisi a suis dominis mandata accipiant et minas. Imo et plurimi Catholicorum negligunt, nec obtemperant. Sed haec hactenus. Sacristia funditus eversa et lapis baptismalis, nec non altaria, maiori excluso, sed nec illo mappa contecto. Calicem argenteum et patenam ac duas campanas, cum coemeterio partim muro, partim lignis cincto, videre est. Félensis in templo tumulatus den. 50. alij duplum persolvunt. Ad finem agri Kőmakoly nuncupati, et Apromakoly, Telek, ac Chopida multae nuces Ecclesiae proventus augerent, nisi aeditui cum Praedicanti alijsque eas partirentur. Idem fit cum frugiferis in territorio Fél, arborius: quod quidem illis sedulo a me inculcatum. Parochiae est domicilium amplum, ac vile: 9. iugera, non omnia exculta hortus adiacens: solutio flor. 38. et 40. frumenti modiorum. Baptismus et reliqua more communi ac conseuto aestimari solent. Ludus literarius Calvinianus eius Rectori flor. 15. et quadrante modij satis faciunt. Fél a dominis S[ancti] Georgii et Eberhard possidetur: domus 40. animae 200. Vőlk Villa Capituli Posoniensis, dimidium aedium, hominumque comprehendit. Thamazhaza 4. casas. 16 personas sustinet. Si tres in Fél familias secernas, omnes ubique Calvini labe conspersos intueberis. Cathedratico se liberarunt. 290
