Beke Margit: Pázmány Péter egyházlátogatási jegyzőkönyvei 1616-1637 - Strigonium Antiquum 3. (Budapest, 1994)
VI. Archidiaconatus Posoniensis
STRIGONIUM ANTIQUUM 3. 53. Tot Aizgrub Tot Aizgrub Coniuncti hi prius cum Horvat aizgrubensi Ecclesia post quam anno 1617. novum templum erexissent, separarunt sese et proprio Parocho uti coeperunt: suntque adeo hac in parte utriusque pagi animi alieni ac pertinaces, ut una sub uno Parocho vivere non possint. Consecrata Ecclesia anno ab hinc quarto in honorem Divi Joannis Baptistae pro tempore Dedicationem quot annis so- lenniter celebrant cum Indulgencijs(I) septennibus plenarijs. Altaria tria initiata quo circa Portatili haud egent. Maius Tabulam pictam rudem continet. Ipsa Ecclesia et Sacristia fornicata. Coemeterium ligneum. Campanae 2. Tabernaculum sacramento vacuum. Lapis baptismalis liquoribus et sacra unda plenus. Ossorium extruent. Vineas 4. Ecclesiae pagus excolit, iugera tria inculta mandavi perarari. Calix est argenteus ac patena cuprea inaurata et Thu- ribulum(!) aeneum, ac urceolus pro aqua lustrali. Casulae 4. totidemque stolae atque manipuli, albae duae, antipendia 4. mappae, vel et sudariola sufficiunt. Vexilla sex. Missale Romanum683, Rituale684. Parocho carent. Administrat Chukardiensis interea, vaditque huc alternis vicibus. Valde optant eundem hic habitare ita ut hinc Ecclesiae quoque Chiukardiensi provideat utrum verum cum Chukard nos possideamus, haeresique magna ex parte ibi laboretur praestat Parochum ibidem habitationem figure. Coeterum domus Parochialis egregia, agros coloni colunt, pratum secant. Tria quoque extirpa- titia 50. metretas Tymavienses capit. Vineam unam communitas curat, alteram ipse Parochus. Nec deest hortus pomifer et seminifer. Solent etiam a quavis domo exigi 2. metretae frumenti, gallina et pullus, currusque lignorum vel eius loco den. 12. Denique in paratis omnes contribuunt flor. 25. Inquilini den. 12. persolvunt. Quia vero modernus Parochus neque hic degit, neque aliter nisi alternatim, ut diximus divina administret: medietatem saltem omnium ei largiuntur. Stola superiori similis et sedecima. Magistro Scholae Catholico quivis colonorum metretam frumenti et den. 10. supeditat. Inquilinus dimidum. Vinea cuiuslibet congium musti adfert. Discipuli pauci flor. 1. annuum uti saepibus alibi factitari memoravimus. Multi prius aut in haeresim lapsi, aut parum salutis studiosi homines locum hunc incolebant, ad fidem Catholicam adducti opera praesertim Parochi Petri Tislarich685 nunc in Bistrice Ultra montes commorantis. Unus ad huc haereticus alter nuper misere vitam clausit. Aedes omnium colonorum et Inquilinorum 80. animae 400. probabiliter. Cathedraticum contribuerunt. 683 Vö. 147. jegyzet 684 Vö. 143. jegyzet 685 Tislarich Péter plébános, vö. NÉMETHY 989. 246
