Memoria Basilicae Strigoniensis anno 1856. die 31. augusti (1856)

***-—-----------------------------------—--------------—---------------------------------------------------------------------------——-------------— - •»>>♦

—h 58 **—

18. Joannes I.

Ab Anno 1205-1223.

Joannes e metropolitana Sede Colocensi ad Strigoniensem translatus, tales a Bertholdo Colocensi successore suo, Gertrudis Reginae fratre, perferre cogebatur iurium suorum impetitiones, qualibus ipse, qua Colocensis, Jobo quondam Archi-Episcopo Strigoniensi molestus exstiterat. Simultates has Innocentius III. Anno 1211. Andreae II. Regis vigilantiae concredidit, qui Romam misit Robertum Episcopum Weszprimiensem, — subin ut narrabitur — Archi-Episcopum Strigoniensem, ut is coram Pontifice argumentum contentionis exponat. Lite pactis conventis diremta, concordia stabilita fuisse videbatur. Conventione hac statutum erat, ut coronatio Regis, proxime successuri ad Strigoniensem, reliquae subin successurorum Regum coronationes ad Strigoniensem et Colocensem aequaliter pertineant; porro ut Decima de proventu monetae sit Ecclesiae Strigoniensis, ubicunque dicta moneta cudatur in Regno Hungáriáé; denique ut Strigoniensis Archi- Episcopus renunciet omni iurisdictioni, et iuri Spirituali, quod habebat, vel habere videbatur in Provincia Colocensi. *) Huic conventioni, quae sine assensu Capituli Strigoniensis coaluerat, Canonici Strigo- nienses expedita Romam legatione contradicebant. Innocentius III. ius coronandi Sedi Strigoniensi in forma privilegii addidit, conventionem autem superius memoratam non confirmavit. „Compositionem, | inquit, huiusmodi non potuimus, sicut nec debuimus, confirmare.“2) Anno 1217. quum Andreas II. adulta aestate expeditionem sacram Hierosolymam susceperat, Regnum Julae Palatino et Joanni Archi- Episcopo gubernandum reliquit.

19. Thomas 1.

Ab Anno 1224 — 1225.

Thomas exiguo tempore praefuit Sedi Strigoniensi; memoratur in Diplomate Andreae II., quo Rex terram Szovát Petro Episcopo Jau- rinensi reddi iubet Anno 1224.:i) In Diplomatibus anno proxime sequenti editis Sedes Strigoniensis vacare dicitur.4)

') Cod. Dipl III. V. I. p. 129. — 2) Pray Spec. Hierarch. Hung. I. p. 111—127.

3) Cod. Dipl. III. V. I. p. 465.— 4) Cod. Dipl. III. v. II. p. 71. Pray Spec. I. p. 161.

i ;;-----------------------------------------------------------------------------------------------------