Memoria Basilicae Strigoniensis anno 1856. die 31. augusti (1856)
!M+ +»•* 11 Incunabula Metropolitani Capituli. Archi-Capitulum Strigoniense simul cum Archi-Episcopatu per beatum Regem Stephanum et fundatum et dotatum fuisse sine haesitatione affirmabant Canonici Strigonienses occasione visitationis canonicae Anno 1397 de eo interrogati. — Fundationalium literarum quidem nullum vestigium reperiri potuit; et primus Praepositus Strigoniensis Robertus nisi Anno 1103, Canonicus vero Augustinus Anno 1133 innotuerunt; — attamen dubitari nequit, quin sicut Episcopus Chanadiensis S. Gerardus, teste illius biographo, de consilio Sancti Proto-Regis, — qui et alias Ministerium Canonicorum providentiae Episcoporum commendasse notatur,1) — duodecim monachos, literarum et lingvae Hungaricae gnaros, ex variis monasteriis conquisivit, et his praedicationem verbi divini, scholaeque, mox penes Ecclesiam Cathedralem erectae curam demandavit: ita et primi Archi-Episcopi Strigonienses, Dominicus et Sebastianus plures presbyteros ad latus suum, pari ex necessitate assumserint, quorum consilio et opera adjuvarentur. Et horum quidem nonnulli etiam commensales et contubernales Archi-Episcopi fuerunt, alii vero in monasterio, — quod in Castro Strigoniensi penes curiam Praepositi Anno 1241 exstitisse memoratur, locati in communi, juxta propriam regulam — unde Canonici dicebantur, — vivebant. — Haec ita, — ad mentem decreti, in Synodo Nationali Strigoniensi Anno 1114. lati, quo Episcopi de vita et victu Canonicorum, juxta eorum regulam, disponere jubebantur, — circa Coordinationem Capituli Strigoniensis acta indicantur primum Anno 1156. in literis Archi-Episcopi Martyrii, quibus Canonicis Strigoniensibus decimas 70. villarum jure parochiano, i. e. dioe- cesano ad se spectantes, confert in usum coenae, qua, ut ait, adhuc V) V) Cfr. Hartvicum in vita S. Stephani R. *n
