Zalka János: Magyarország primásának Arany-áldozata 1859. november 6-kán (1859)

75

Hoc fonte gratam Rosnaviam colis. Ast major istis, quo fidei parem Feras laborum portionem :

Ecclesiae Tibi Quinque dantur.

Sed gnava virtus crescit in arduis : Et crevit aucta mole animus Tuus, Brevi locatus in Sionis

Hungaricae vigilem supremum.

Quem Roma vestit purpureis togis, Divusque Pázmán de tumulo citus Redit salutatum, ut paternis Spiritibus Tua brachia afflet.

Pravi Tumultus voce teterrima Excussus urnis ad synodos redit : Visurus ex Te ducere ortum Ecclesiae meliora fata.

Unum stupens post saecla sibi parem Szécsényianis Te Superum vice Augebit annis, et pia, quam Ipse tulit, benedictione.

Sunt filiorum jura Deo data,

Ut festa Patrum connumerent suis : Amoris affectu revinctos Laetitiae mutuae fovebunt.

Fac Jubilaeo jubila concrepent, Fac Te canamus proximi ad ostia Paterna ovantes, filiosque Purpureis fove, protege alis !