Leo Santifaller: Ergänzungsband 2/2. Festschrift zur Feier des 200 jährigen Bestandes des HHStA 2 Bände (1951)
IX. Nachträge - 82. Thea Oschinsky (Liverpool): Südtiroler Urkunden im Britischen Museum
550 Oschinsky, Südtiroler Urkunden im Britischen Museum. behalten an der chorenczen und leich, auch wissenlich, was ich im zw recht daran leichen a) sol und mag nach lechen und landsrecht und gewanhaitt. Also das dye benante Margrett und ire erben, sun und tochter, dye forgenanten zwaytail des bemeltten ganczen hoffs mit hawss, wisen, acker, wald, wayd und mit allen den rechten nuczen, eren, dinsten und andern zu gehorung, so yecz daran gehören und dar zw kämen mochten von mir obgenantem Sparnberger, auch von im und seinen erbenn in lechens weyss in haben, nüczen und nyessen, davon der obgenante Michel mir und mein erben getrew, gehorsam und gewärtig sein sol, mein frümen furdern und mein schaden wenden und alles das thonn, das getrew lechenslewtt ir lechenhern phlichtig und gepönden sein ze thim nach lechens und landsrecht. Und wen der obgenante Michel oder ander yemandt von seiner obgenanten wirtin sun und tochter von mir oder meinen erben dye obgenanten zwaytail des obschriben hoffs enpfachen, so sol er anstat der benanten seiner wirtin oder ire erbenn sun und tochter mir obgenantem Sparnberger oder mein erben von ainer jeden ne^Ven enpfachnüs nicht mer gepűnden sein ze geben dann ain hassen, als dann in den lechen prieff durch den edlen und vesten Lüdwig von Sparnberg umb dy lechen gegeben begriffen ist, doch mir obgenantem Sparnberger und mein erben und menigklichs rechten an den obgeschriben zwaitail des obemelten hassen unverczigen, angeferdt, mit urkundt dicz prieffs, den ich obgenanter Sparnberger darumb gib, versigelt mit meinem aygen anhangenten insigel. Beschechen am samstag nach Sant Erasam tag nach Christs gepurt vierczechenhundert und darnach in dem vierund- sibenczigisten jar. Siegel an Pergamentstreifen fehlt. a) leichen über der Zeile.
