Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)
cum Notario huius Civitatis in vineam quandam abierat, ex qua cum rediret, priorum illorum Latronum socii motu proprio ex insidiis eum adorti, comprehenderunt, comprehensum jam et manibus post terga revinctis constrictum plurimis verberibus affecerunt, denique ad Fillerium Officialem Loci istius traduxerunt et hinc mox ipsius jussu non ad me, qui Scholastici illius judex eram ordinarius, verum ad judicem hujus civitatis et qvidem eo ipso etiam invito per publicam plateam summo cum ludibrio perduxerunt, inqve Catastam compegerunt, numella manus ac pedes adstrinxerunt, catenis collo illius annexis, propemodum suffocarunt, ad haec seqventi die armis eum circumstipantes ad praeceptum Officialis, qvi maligno animo et invidentia erga Scholam laborat, in arcem in itinere vel excruciandum vel semienecandum abducere voluerunt. Contra qvam violentiam ego protestatus sum in persona propria et Ecclesiae coram Providis Ambrosio Decan, - expostulans cum Fillerio eum contra suum et meum Officium facere, immo contra jura Ecclesiae a piis majoribus conservata hactenus, qvod illum sive sua sive aliena voluntate captum, non ad me verum in vincula publica ad judicem Laicum misisset. Ad hoc eundem prohibui authoritate Dominorum et Ecclesiae, ne eum in arcem abduci curaret, sed in manus meas traderet, qvod tantum abest ut fecerit, ut eundem in injuriam nostri Ordinis sub inhibitione sex centorum florenorum fortius detineri et vincula illius augeri praeceperit. Itaqve ad judicem conversus, hunc qvoqve per Reverendos Dominos Fratres - Dominum Matthaeum Domahidi et D(omi)num Joannem Szalmadi cum protestatione vicissim admonui ne illum detineret, verum in manus meas traderet sub sponsione bonae fidei, me etiamsi ad extremum supplicium res illius reciderent, justitiam de Scholastico illo ipsis administraturum, qvo si non essent contenti, possent ad Sedem Judiciariam Dominorum Nobilium inde appellare. Verum is qvoqve negavit se mihi hunc in manus traditurum, eo qvod Fillerium et in hibitionem Florenorum sex centorum ab eo factam metueret. Qva responsione ego commotus Judicem Nobilium Dominum Georgium Begani huc adduxeram, qvi cum ad manus suas peteret de Jure Regni tertio die captivitatis, noluit tradere dicens, non esse consvetudinem hujus Civitatis, ut sontes hic extra darentur. Itaqve per hunc etiam die Mercurii, qvae est 6 Juny, judicem admonui, ut qvomodo Scholasticum ad manus suas contra tot nostras protestationes et inhibitiones recepisset, neqve in nostras manus tradere vellet, eum sub honesta custodia tantisper asservaret, dum Judicium justum ac Legitimum in Causa illius celebraretur. Detinetur ergo etiam nunc captivus Scholasticus ille jam qvintum diem, qvae est 8 Juny, de qvo dicit judex, se cogniturum ad diem proximum Lunae unacum 22
