Kiséry Zsuzsanna - Szabadi István: A beregi református egyházmegye jegyzőkönyvei 1593-1753 - Editiones Archivi Districtus Reformatorum Transtibiscani 12. (Debrecen, 2002)

Anno Domini 1593. 5 Tuny.

Stephanus David revocavit nobis in memoriam et testimonio Reverendi in Christro Fratris D(omi)ni Matthei Domahidi comprobavit, quod vivente adhuc Clar(issimo) D(omi)no Bartholomaeo Nagj Thalliaj Seniore! ea quae nunc uxor sua est Domina Catharina a priore suo marito impetrasset divortium propter quinquennalem desertionem, super qua juris administratione a nobis testimoniales petivit, quas etiam - ipsi dedimus.

Anno Domini 1593. Casus.

Ipsa Die Pentecostae duo quidam ex Scholasticis Beregszasziensibus absoluta concione et reliquis caeremoniis, in proximum nemus, quod versus Musaj tendentibus sub promontorio situm est, et ex parte occidentali fluvio alluitur, in cujus ripa Pagus Buchu nominatus habetur, exierant, ubi cum herbulas quasdam inquirerent ac colligerent, tandem siti cogente in proximum Pagum diverterunt. In qvo cum forte justam vini in taberna publica emissent, procul sub nuce consederunt inter se familiariter colloquentes cum aliis quibusdam adolescentibus duobus, qui ipsi quoque unacum prioribus ex ista civitate fuerant egressi.

Cum vero illic morarentur nihil mali susplicantes, neque habentes in animo, ut cum quopiam rixas et contentiones moverent. Mox affuere quidam primipilares malefici Beregszaszienses #Gregorius Tóth Stephanus Jonas Matthias File# ex eorum numero, qui cum pedites liberi sint ad subitas arcis necessitates electi, pessimis assueti facinoribus ac perpetuis ebrietatibus, de lite lites et de rixis rixas semper concitant, qui eos more latronum violentissimorum invaserunt, et reliquis diffugientibus, duos Scholasticos Matthaeum nimirum Verbőczi et Andreám Kaszoni evaginatis gladiis adorti, Matthaeum quidem ingenti vulnere, quo aurem illius sinistram unacum genis amputarunt ac in humeros desecarunt, affecerunt, demum in terram prostraverunt multisque de vita illius dubitatur. Alterum vero Andreám multis quamquam verberibus affecerunt, qui tamen feliciore usus fortuna, vulnus nullum accepit, at plerosque eorum, qui ipsos invaserant, licet adolescens, gravibus vulneribus sanciavit.

Quo cum in loco facti ita contigissent, rediit in Scholam Andreas, Matthaeus, quia prae vulneribus et verberibus incedere non poterat, curru revectus est, et nunc apud tonsorem dubio eventu curatur. At Andreas interim causae bonitate et defensione inculpatae tutelae fretus, nusquam abiit. Mansit in Schola. Nemo illum ex publicis malefactoribus detineri neque per me neque per judicem, imo neque per officialem curavit, itaque die Lunae

20