VJESNIK 20. (ZAGREB, 1918.)

Strana - Sveska 4. - 276

276 E. kn. Mt. werde disen Furslag, der vnns auch geraten vnnd nutzlich ansiecht genedigist willfaren vnnd sy sollicher gestalt versehen. Daran sy irem ßegern nachzefriden. Vnnd damit sy sich der Zeit bis auf E. kn. Mt. obgeschribner Fursehung ain yeder auf den Grünten, da sy yezt zerstrait wonen, bleiben vnnd derselben erwarten mugen, ist innen von Traid vnnd Tuech alsuil als ain tausent Gulden reinisch, so ich Niclas vom Thum auf Anlangen E. kn. Mt. Hofkhamer Rat aufzebringen bewilligt. Welich von E. Mt. neuen Aufschlag hie, von dem nagsten Gefell bezalt werden sollen, zuegestelt worden, weliches sy also gehorsamblich vnd zu Dankh angenomen. Vnnd wiewoll E. kn. Mt. die Ablösung, Ausswegsslung vnnd anders hieuor ertzelt, beschwarlich achten mochten, so ist doch das zum höchsten zu bedenkhen, das wir khain leichtern vnnd vnbeschwarlichen Weg allem Wesen zu guet, daran auch sy pass inmassen, ir anzaigen gestelt ersetigt wurden befunden. Sölten sy wie bisher an all Fursehung gelassen, war nichts gewissers dann Verratereyen vnnd aller posen Handlungen von innen ze sorgen, sy khundten auch sich dermassen, wie bisher nit erhalten, muessten in anderweg gedenkhen, ir Narung ze suechen vnnd villeicht vmb Gnad handln lassen, ob sy in Wossen wider aufgenomen wurden. Darauss gwiss volget, das sy wider an die Ort, dannen sy khumen, sich thuen. Alsdann wider das Lannd vnnd Ortflekhen irenthalben als von denen, die das Lannd vor als vnbekhant, vnbewisst Weg, Sterkh vnnd Macht veroedt vnnd verderbt, souil in grosser Geuarlikhait steen, souil sy das Lannd vormals an all yetzgemelt Erkhundigung veroed, das yetzo vill vesster (als die der obgeschribnen Sachen guete Erkhundigung haben) bescheen möchte. Sy wurden auch den Frid, so sy hinein khamen, nit halten mugen, sonnder ain Raiss yber die ander thuen vnnd das Lannd dermassen als vor nie schiermes als die gweltigen Einzug verhören, derhalben sy khainswegs zu uerlassen vnnd so an irer Erhaltung hoch trefflich glegen, biten wir E. kn. Mt. mit dem allervnderthainigisten Fleiss, disen vnnsern Ratslag furderlich ins Werch zu bringen vnnd ze handln verordnen, als die Khowatschitschin abzulösen, sy die Khowatschitschin in annderweg zu uergnuegen. E. kn. Mt. Haubtieute Metling vnnd Lanndtstrass die heuerten Refieren abzutretten beuelhen mit den vorbeurerten Prelaten auch Lanndtleuten der wenig sein, möchten vmb Ausswegsslung irer Grundt oder ainen Khauff handeln lassen, die Abtrettung der Grundt bey den armen Leuten verfliegen, das auch innen ain Haubtman geordnet werde. Zu Besluss beuelhen vnns E. kn. Mt. mit den Herubergefallnen aines Dienstgelts halben ze hanndln. Wiewoll inbedacht des Frids, so aufgericht worden sein, soll geacht werden möcht, desselben Dienstgelts vnnot ze sein. Haben wir hierauf vnnd sonderlich erwegen, das Weill