VJESNIK 20. (ZAGREB, 1918.)

Strana - Sveska 4. - 275

275 es innen auch allen Wesen am glegnisten : sein wolten. Gaben sy fur E. kn. Mt. Herrschafft Sichlberg vnnd das Geburg von dannen her auf Metling vnnd Maichau zue die Glegenheit, so E. kn. Mt. Haubtmanschafft Lanndschtrass, Metling vnnd den Prelaten Prior von Pletriach, Abbt zu Lanndstrass gehörig als Khaltenfeld Herzogthumb vnnd anders derselben Ort glegen, aida wären sy der Veindt Vberfall on Sorg vnnd möchten ir Weib vnnd Khind, so sy in E. kn. Mt. Dienst waren, sicher bleiben, heten zimbliche Waid irem Viech vnnd ain schöne Glegenhait, sy möchten derselben Ort all bey ainander hausen vnnd ire Freunde, so in Krabaten nit behaust, zu sich nemben, das alzeit ir Begern vnnd Bit gewest, solichen iren Furslag achten wir E. kn. Mt. am gleginsten.mitausswegsslen vnnd Ablösung des Phandtshillings, Sichlberg ze sein, dann Metling, Lanndstrass, Sichlberg vnnd Maichau sein all E. kn. Mt. Aigenthumb, darzue wo von den Haubtmanschafften Metling vnnd Lanndstrass etlich Refieren vnd die hieuor anzaigt sein, einzogen, gienngen innen soliche Nutzung an irem Bestände, den sy E. kn. Mt. jarlich her, ausgeben ab. Es ist auch an khainem Ort im Lanndt so wenig Gult, die den Lanndtleuten zuegehören als daselbst aussgeslossen etlich Prelaten, als Lanndstrass, Pletriach vnnd etlich wenig Lanndleut, zu furderlicher Handlung war ain Noturfft, die Khowatschitschin von Sichlberg abzulösen, der Khowatschitschin in ander weg irer Verschreibung halben, das sy den Gsloss Nutzung ir lebenlang nutzen vnnd gemessen soll ain benuegen zu thuen. Vnnd fur das maisst, das die Vnderthannen derselben Herrschafft all wegkhgeschafft vnnd andern Enden vndergeholfen wurde. Die Abtrettung der Grundt der .armen Leut halben khunte aber nit eher als im khunfftigen Herbst bescheen. Damit sy die armen Leut ir yetzig erpaut Traid vnnd Frucht fechssnen. Dagegen auch die Herubergefallnen Heu vnnd Strey zu stattlicher Erhaltung der Winter Zeit vnnd die Winter Sadt thuen mochte. Vnnd souerr die armen Leut derselben Ort Aigenthumben, Weingarten vnnd Khauffrechten auf dem Hueben heten. Das sy E. kn. Mt. entgegen auch genedigist mit ainer Freihait, wo sy weiter vnderpracht wurden. Es sey, das sy etlich Jar Zins vnnd Steur frey waren oder in ander Weg begnadet, wurde umb souill die Abtrettung der armen Leut best williger bescheen. In sonnder wäre euch ain. Noturfft, das E. Mt. innen ain Haubtman ordnet, der zu Sichlberg im. Gsloss wonet. Der Gericht vnnd Recht von E. kn. Mt. wegen vnder innen hielte vnnd Ordnung gäbe, doch das der ain Lanndtman sey, dann sy khain Krabaten noch den Khowatschitschen, so yetzo Sichlberg innen hat, aus vill Vrsachen nit leiden möchten. Sonnst vnnd in.ander weg sy vnderzebringen, haben wie dieser Zeit nit fueglicher vnnd stattlicher zu bescheen, befunden mugen. Hierauf haben wir sy abgeschaiden, solliches alles E. kn. Mt. mit pesstem Fueg furzebringen, sy trösstend, wir waren der vnderthainigisten Zuuersicht.