VJESNIK 1-2. (ZAGREB, 1915.)

Strana - Sveska 3. i 4. - 254

254 bemelten Stette, Slosser, nämlich die Flecken vnd Slosser Medved, Rockonok vnd Lukouitz sampt iren Zugehorungen vmb zwayundzweintzigktausent Gulden gueter vnngerisch wichtiges Goldes oder souill der vngrisch zu der Zeit der Betzallung gelten wirt, vnnd den Warasdin vmb aylff tausend Gulden auch gueter vnngrisch wichtiges Goldes verkaufet vnnd zu kauften gegeben hat, laut seines kauffbrieffs, so er vnns zuestellen lassen hat. Demnach vnnd in Krafft dits Verkauffs gereden, versprechen vnnd verschreiben wir vnns fur vns aille, vnser Erben, Erbnemen vnd Nachkumen bey vnnsern kunigklichem Wierden hiemit sollich obgemelte Kauff-Summa, wie hernach stet, zu betzallen, nemblich so sollen vnnd wellen wir im yetz par vergwissen vnd bezalen lassen zehen tausenth vnngrisch Gulden an wichtigen guetem Golde vnnd so, das vonn vnns besehenen, alsdan vnd nicht ehe, solle vnns er obenente Geschlosser, Fleckern vnnd Stet sampt derselben allen Zuegehörungen, Nutzungen, Einkommen vnnd Gerechtigkayten, wie die er odet derselben Vorfaren innengehabt, auff schirist kunfftigen Sanndt Mertinstag einantworten vnnd zuestellen mit voller Mass vnnd sonndern ferner Vorbehaltung, das dieselben voreruentten Flecken, Slosser vnnd Stet sampt ihren Ein-vnnd Zuegehörungen im Vnderpfandt fuer die völlig Bezahlung sein vnd beleiben sollen, also wo wir der hernach gemelten Fristen vnd Summa Geldes eine oder gar nicht betzalen, den vnd des wo der almechtig solichs schicken wurd durch vnnsern todlichen Abganng oder sonsten verhindert wurden, auch er der Zeit ainichen Schaden erlitten, sol vnd mag er die widervmb zu seinen Händen vnnd Gewaltsam nemen vnnd innen haben, nutzen vnd gebrauchen aller masse wievor auch alls Ambtleut, so hieuor vnnd hernach auff die obgenanten Sloss, Stet vnnd Flecken verordent, mit Ayden vnnd Pflichten zuegethan vnd verwant sein vnnd pleyben dergestallt, damit sy sollicher vnnser Verschreibung volgen thuen vnnd nachkomen, dy wir auch hiemit in Crafft dits Brieffs also im verwant ze sein vnnd im hiemit solhe Schlosser souer nit gehalten wurd, krefftiglich eingeantwurt haben wollen, bissolang wir oder vnnsere Erben in vnd derselben Erben aller Kauff Summa vnnd Stheden entricht vnd betzallt haben. Wir wollen auch die dreytausent Gulden in Gold, auch die zwayhundert Gulden in alter Müntz, so dieselb dem Kosatzky laut ainner Verschreibung zu thuen schuldig, betzalen, den Schuldbrieff, so auff in lautet, ledigen und zu aigenn Hannden stellen vnnd vberantwurten lassen. Dagegen vns bemelter Marggraff ein Bekantnuss geben soll, solliche Summa Gelts an dem Kauff von vnns empfangen zu haben vnnd dan dy Vbermass diser Kauffsumma, weliche vber dises alles noch trifft vnnd macht neunzehen tausenth achthundert wichtiger