VJESNIK 1-2. (ZAGREB, 1915.)

Strana - Sveska 3. i 4. - 255

255 vngrischer Gold-Gulden, wellen wir im in aller gueter teutsher oder behamischer Müntz, wie der vnngrisch Gulden in Gold giltet, auff vnnsern Steuern der sechs Stet in Nidern vnnd Obern Lausitz nach Notturfft in ainnem Jar, den negsten nach dato, anzuraitten, zu entrichten, vergwissen vnnd verschaffen. Vnnd damit auch solichs one Abgang oder Verhindrung beschehe, wellen wir von stundan mit dem hochgebornnen Fürsten, vnnserm freuntlichen lieben Oheimen, Herrn Carln, Hertzogen zu Munsterberg, in Slesien, zu Olsen etc. als diser Zeit vnd deren Ort vnnsers Herrn vnd Gemahls des Kunigs zu Vnngern vnd Beham etc. Lannduogt sampt der Ritterschafft vnd Stetten daselbsten handln vnnd vermugen, das er vnnd sy alle sich gegen im verschreiben vnd versprechen sollen, obenante neunzehen tausent achthundert vngrisch Gold-Gulden vorgenanter Werung vnd bestimpter Zeit zu betzalen antzunemen. Wo aber ye die Betzalung von vns oder inen zum Taill oder gar von der Zeit der Abtrettung vertzogen vnd nicht betzallen tretten, das nicht sein soll und doch vnns mer ernente Slosser, Stet vnd Flecken mit denselben Nutzungen zuegestelt vnd eingereimpt het, solle er wo das beschicht, guete Recht, Fueg vnnd Macht dieselben. auch hiemit im volkomenlich gegeben haben, alle Geslosser, Stet vnnd Flecken widervmb eintzunemen, alle vnnd yede Amptleut, so hieuor vnd hernach auff obgenante Sloss stet, verordent von newem zu beayden vnd furter inzuhaben, ze nutzen vnd ze niessen, doch nur vmb die aussteend Summa, so wir im zu thain beleiben, solang wir völliger vnd gantzen Kaufsumma vnd Scheden, wo er der erlitten hatte, entricht vnd betzallt haben. Nachdem vns auch vorgemelter vnser Vetter Herr Jorg, Marggraff zu Branndenburg etc. in vorbenanten Slossern, Stetten vnnd Fleckenn etzlich klain Eysenn, Geschütz als Slanngen vnd Hackenpucksen, auch Pulfer, Kugeln, Wein, Getrayd anders nach obbemelter Mass vnnd Kauffs zuestellen vnd darinnen vns beleiben lassen will, nämlich an dem klainen Geschütz als Slanngen yedn Zentner vnngrisch Gewicht, wie solichs durch den Sebeld Pogl verkauft wirdt, ainnen Hackenn fur ainnen Gulden, fur ainen Zenthen Pulffers zwelff vnngrisch Gulden, fur das Getrayd vnnd Wein, des sich an der Mass erfinden wirdt, souil als es yetzo vngeferlich gildet, sollichs alles vnnd yedes wie yetzo berurt vnd gesetzt ist, wellen wir betzallen, annemen vnd hiemit angenomen haben vnnd was nun dasselbig am Geschütz, Pulffer, Wein und Getraydt, in Gewicht vnnd Mass vorgemelter Werung sich in Summa machen vnnd erfinden wirdet, wellenn wir vnnser Erbn, Erbnemen vnnd Nachkomen auch in Jars Frist sambt vorbemelter Kauff-Summa zu betzallen, verpflicht sein, alles wissenlich inn Krafft vnnd Macht dits vnnsers Brieff, den wir zu Me-