VJESNIK 16. (ZAGREB, 1914.)

Strana - 87

87 nitzen bekhanndt vnnd ain merers, wie es vmb die Graniczen gestalt sein, wissen als Neufänng) erindert sein worden, das wir vnns entgegen auf sy gerüst, darüber sy nach Anzaigung des Khundtschaffters, dess Geschoss gefürdert vnd gesehen haben, das zum.Thaill sein dess neuen Sannschakhen Hoffgesündt vnd annder Volkh, so mit ime aus der eiesten Turkhey khomen, von der Ferr seiner Raiss was abgemerglt, dadurch sy den schwären Weeg auf die Pruckh vnnd Carst nit volpringen mügen, zudem das sonnderlich des Herzogouina Rüstung zw Ross gar schlecht was, haben sy derwegen dieselbig Raiss eingestellt vnd numals ire Ross aufs Grasz gelassen. Mit weyttern Anzaigen, das Sokholouitsch gewisslichen gross Geauf Khrup pringen lassen, damit auf das nächst Monatt Juny Repitsch oder Wihitsch mit Belegerung angriffen soll werden. Darumben ich allenthalben den Abzug des Aufpotts verkhundt vnnd meniglichen sich gefasst zuhalten vermanndt. Als ich gleich im Angeben dises Schreibens gewest pin, sein mir diese hierpey drey ligende Khundtschafften (mit A., B. vnnd C.) vnndter einisten von Zenng zuekhumen, welche ich zugleich der Erzherzoglichen Durchlaucht meinem genedigisten Herrn auf der Post vberschickht vnnd sy lautt Copy hierpey mit D. vnndterthanigist vermanndt, ieczo noch des Monatt May Repitsch, Wihitsch, Chrastouicz vnnd Syssekh auf sterkhist mit Volkh zubeseczen vnnd mit merern Geschücz vnnd zuegehöriger Munition, vnnd aller anndernhanndt Khriegsrüstungen, vnnd daneben mit notturfftiger Profanndt zuuersehen zulassen, dann wir sonnsten das Aufplossen versäumen werden. E. Gd. pittundt soliches zugleich ier Erzherz. Durchlaucht furzupringen, vnd die Sachen aufs höchst, wie sy im dann woll zuthuen wissen, vnnd dass sonnsten die augenscheindlich hoch Notturfftt erlordert nit allein zu Erhaltung diser vorgemelten Fleckhen oder der crabatischen Graniczen, sonndern auch vmb Willen irer Erzh. Durchlaucht nächst anrainunde Furstenthumben vnnd Lännder, die gewisslichen vnnd an alles Bedenckhen wissentlichen zu sambt derselben getreuen Lanndtleutt vnnd Vnderthannen, wo der Wasser Fluss Vnna aus vnnsern Hennden gar khomen solle, in khurzer Zeit zu Drummern geen wierdten, aufs höchst anzuziehen. Dess alles hab ich E. Gd. in Eyll furzupringen, vnnd mich denselben zu beuelchen nit vnnderlassen wellen, mit dienstlichen Pitten, dess zugleich die Herren von Khärndten zuuerstandigen. Dattum Tschernembl den drytten Tag May des 66-isten, gar frue. Dienstwilliger Hörwart Frh. zu Auersperg m. p. Na hrbtu: Denen wolgebornen, edl, gestrenngen vnd ernvesten Herrn Jobst von Gallnberg zum Gallenstain Ritter, Erzh. Durchl. Ratt