VJESNIK 16. (ZAGREB, 1914.)

Strana - 306

306 zlamenyati, jezik nass tak materinski, kak domachi diachki zatergavati, y na nyegvo meszto drugoga sztranszkoga vupelyavati, videli szmo persone y tela nassa, imetek nass, gibuchi y negibuchi, ne poleg pravicz orszachkeh, nego poleg szamovolynoszti jedinoga ravnati, szude nasse od vnogeh letth sztojeche zatergnene, y nasz vu onu nepriliku posztavlyene, da put, po kojem bi sze podlehschicza krivicze preszkerbela, je bil vnogo neprilichnessi, nego iszta krivicza. Videli szmo nadalye zemlye nasse z nassemi kervavemi sztrosski meriti, ter tak pređi josche, nego bi bili pod stibru, koja bi nasz chisto zaterla bila, podegnani, z nasz vesz mochy nemiloszerdno sczezavati, vsza ova, y vnoga druga neizbrojena zla jeszmo videli, jeszmo chutili, jeszmo pod-

nassali, zrok ovoga vszega ja med drugemi osztalemi nahadyam, da pervich vu nasz iszteh, drugoch pako vu oblaszti one lesi, koja nasz poleg nasseh pravicz bi ravnati bila morala, na meszto thoga pako nasz chiszto po szvojoj szamovolynoszti je ravnala. •— Vu nasz iszteh na-

hajam zrok zla ovoga zato, kajti med nami isztemi jeszmo sze bludili, kajti goszpodu officere, koji kajti szu sze vuchili, visse takay znati y za obchinszku nassu haszen vuchiniti jeszu mogli, poszlussati niszmo hoteli ; kajti tak daleko je vre dosslo bilo, da iszta obchinskoga veru-

vanya vszigda vredna protocolla po Goszpode notariussev, poleg obchin-

szkoga dokonchka napravlyena, po nekojeh za neisztinszke jeszu sze povedala. Takvo dersanye, takvo nezauffanye med obchinum plemeni-

tum y nyeinemi officeri moralo je skodlivo biti. Moralo je k zater-

gnyenyu isztoga nassega bittja setuvati. Ar kakti z jedinosztyum mala dugovanya na veliku zrastu, tak z nezauffanyem najvekssa sze poru-

ssavaju. Vu oblaszti pako one, koja nasz je po szvoje szamovolyne volye, ne pako poleg szvoje duznoszti po praviczah orszachkeh ravnala, da velik zrok nasze pressesztne neszreche lesi, tho mi, tho vesz horvatcki y vugerzski orszag zna, niti je potrebno od thoga visse napervo doneszti. Zatho plemenita brathya, da szrechno ovo pripechenye, po kojem sztare nasse pravicze povernyene jeszu, nam na veke hasznovito, y mi od pogibelyi, vu takva vremena pak dojti, za vsza dojducha pokolenya szlobodni budemo, potrebno je sztaru lyubav, sztaro zauffanye med nami, y nassemi officeri nazad vtverđiti, treba nadalye je, vu vezda dojduche obchinszke orszaga vugerzkoga y sztrankih k nyemu szpada-

juchech diete takovoga od strane plemenitoga ovoga Turovoga Polya Poszla illiti ablegata poszlati, koji za vekivechnu jakoszt pravicz nasseh sivo, y gyegyerno szkerbel bude. Ter tak draga ova nassa domovina iz sztalissa nesreche vu sztaliss nepresztanyenoga dobra y szreche sze posztaviti more. Oba ova govora nalaze se u arkivu pl. općine Turopolja : Con-

gregationalia 1790. fasc. 198. Priopćio Dr. Velimir Deželić.