VJESNIK 16. (ZAGREB, 1914.)
Strana - 305
305 obnassala jeszu, tak prozta y zahichena poztala je, da nyu oni szami koji takovu obnassali szu, joss pred vremenom navadne restauratie nedoztojno oztavlali szu, y vi p. obchina za iztu akoprem vsze vugerzke zemlye glaszovitu comesku chazt, za koju zadobiti mochi, predi najvrednessa od domovine Goszpoda vam preporuchali sze jeszu, pritruczani szte bili Goszpodu ozdek szedechu za iztu chazt prijeti, prosziti, y nyu z ovum prestimanum drugach chaztyum ponujati ; y zadnich na tho p. bratja, o salozt! došli szmo bili, da izta pravicza, koja vu kotaru p. ovoga Polya blizu sheztzto lett mirovno delila sze je, zatergnyena y zakopana na zkorom bila je, zbog chesza vnogi pravicze setajuchi z velikemi neprilikami y vechput z vekssemi ztrosski, kak izto ono dugovanye zbog kojega pravdali szu sze vredno je bilo, po Zagrebu szim tam praviczu izkati pritruczani szu bili, odkuda nekoteri mezto zadobivene pravicze z korbachem, y spotom vszakojachkem pretirani szu ; drugi pako sziromaki, ztroska pravdenoga ne imajuchi, szvakojachke szile, pregone, spote y krivicze, od jaksseh y bogatesseh podnassat morali szu. Alli presztajem ja zbog kratkoga vremena y drugeh poszlov y oszebujno, da nyihovu, Goszpoda Assessori y oztala p. obchina y bratja, koju vu poslussanyu mene imaju terplivnoszt, ne zbantujem, od preseztneh saloztneh vremen, kakti y tak vszakomu poszeb dobro znaneh, nadalye govoriti, nego pokehdob nam ztarinzka nassa szloboschina, y szve nasse navade y pravicze tak pokojni szvetli czeszar Joseph II., kak y vezdassnyi czeszar Leopold II. miloztivno nazad povernuti doztojal je, y za takova vsza vu pravi ztarinzki red, za vszeh nasz dobro y haszen obchinzku dopelyati, mi dan danassnyi ozdek zkup zpravlyeni bili bi, za szrechen pako poszlov nasseh konecz imati, jedna vszih zkup ovde zpravleneh volya, y obchinzko nasz vszeh terszenye y marlivozt potrebna bi bila, kaj izto Goszpode assessorom y vice assessorom y oztale p. obchine y bratje preporucham y proszim, da vu vszeh nasseh obchinzkeh poszlih nikaj drugo nego jedno obchinzko dobro y haszen pred ochima imati bi hoteli, y da za nasse ztarinzke navade y pravicze vre do vezda po 16 preszvetlemi vugerskemi kralyi, y zadnyich pod Marium Theresium vu Diete letta 1741 artikulussa 60 potverdyene, nadalye ztalno obdersati, tak szlosni szvi zkup, kada bi (kak nassa privilégia govore) iz jedne porodyeni bili vutrobe, od vezda poztanemo, y za nye sivlenye y imetak nass pogubiti, y iztu kerv vszaki chasz prelejati pripravni budemo. Dixi. Vicekomeš govorio je : Da blisnyeh deszet letth, koje dovezda siveli jeszmo, najneszrechnessu sivlenya nassega sztran vuchinyaju, stimam, da vszaki obilno doszta chuti, niti je treba tho na dalye napervo doneszti; videli szmo, draga bratja, szilnum rukum plemenita sztanya nassa z numerussi po20
