VJESNIK 1. (ZAGREB, 1913.)

Strana - SVESKA 3. - 167

167 cives societati obtulerunt, de iis litterae nullae datae. Hoc etiam anno in usum .nostrum perpetuum pater Ioannes Zanitius vineam unam a doctore Daniele Rosenbergensi 90 florenis etdomum unam 90 nostrorum aedi a septentrione proximam émit, alteram vero a meridie vicinam 110 florenis cives nostram fecerunt. Demum plurimis laboribus pro hac residentia exantlatis pater Ioannes Zanitius tria in societate vota professus, adulta iam aetate, morbo torminum extinctus, ad praemia coelestia evolavit, sepultusque est in templo s. Marci in sacello sanctorum Fabiani et Sebastiani, intra dextrum cornu altaris et intra templi parietem. Exequiarum pompam tum cives Zagrabienses maesti ob tanti viri obitum, tum reverendissimus Zagrabiensis Simon Bratulich cum suis canonicis cohonestavit. Exempto rebus humanis Zanitio residentiae Zagrabiensis eodem anno 1607. superior factus est pater Gregorius Vasarhelj, Siculus Vngarus Transylvanus, functus est eo officio anno toto 1608., quo anno pater Ioannes Vegius ob vitiosam valetudinem Zagrabia discessit, eiusque in locum pater Martinus Slabinus, qui superiore anno advenerat, successif et syntaxim loco huius, tum supremum Studium in scholis, explicuit. Pater Gregorius emptione unius vineae, pro qua plebeio homini 90 florenos numeravit. ad priorem illam a Daniele doctore emptam illique vicinam accessionem fecit. Ad priores nostros sub hoc tempus accesserunt pater Stephanus More, pater Ludovicus Lucari, pater Ioannes Mislanovich, et rebus domesticis curandis Ioannes Spesakv Ad initium anni 1609. patre Gregorio Vasarhelj ad Vngaricam missionem Linduam abeunte, in eius locum februario mense provincialis Austriae Ioannes Baptista Argento subrogavit superiorem patrem Christophorum Dombrinum Sclavum Zagrabiensem, penes quem regimen residentiae ad finem huius anni erat, is etiam ipso exitu decembris Zagrabia Labacum abiit Maiorem anni huius partem in residentia vixerunt octo, ex his sacerdotes quinque, quorum pater Stephanus More post patris Slabini abitum, qui phthisis curandae causa, qua consumebatur, coelum mutavit, scholis praefuit cum duobus aliis magistris. Unus item rei domesticae adiutor Ioannes Spesak, cui sublevando hoc anno submissi sunt adiutores Joannes Porubski, Matthias Berger, Gregorius Adamosi. Numerus discipulorum tribus classibus distinctorum ad sexaginta supra ducentos iam excreverat, qui ante paschales ferias magna omnium approbatione Abraham i filium immolare volentis dramma dederunt. Adiuncta etiam est hoc anno tribus grammaticae scholis humanitas. Fabrica domus nostrae auçta tribus cubiculis ligneis, excursiones a nostris sacerdotibus magno emolumento factae, templaque nonnulla a Turcis vastata ac violata pristinae sunt restituta sanctitati. Multorum quoque liberalitatem erga nos sumus experti, quos inter magnificus dominus Nicolaus Istuanffy, olim regni Vngariae propalatinus est paecipuus. Is