VJESNIK 12. (ZAGREB, 1910.)
Strana - 58
58 ovde kod nas iz vust Poglavarov našeh, kaj nas vu sercu peče, čuli nesmo; nego iz drugeh stranov, tojest grajšinskih Komisiih zazvedili smo. I kaj Bog jim naplati skupa znašom zahvalnostjum, dragi naši brati i slavne Domovine sini, najmre od starini znanoga slavnoga grada Ormoža, Velke Nedele, Lukavec nam su na znanje dali. — Pitanje (ako ovo neprecenjeno) kojega nigdo med vami dragi brati Ilirski od temelja (fundamenta) razložiti nezna, kojega čem vam ja raztolnačit, a vi pak drugem bratom, rečem pitanje ovo slavni našega okružja Mariborskoga (Marburger Kreis) Ravnitelji, kojim mi vse dobro želimo, poslali su u pismah na vse grade (Varoše vekše) slavenske, od kojega mi niti čuli smo iz vuzt Poglavarov. I ovo Pitanje je ovako : Kaj mi Slovenci mislimo? jeli očemo zdrugemi slovenskemi narodi toje z - Ilirci Horvackemi deržati, ali z - Nemci, i to čemo ovde pretresti, kaj to pomeni? . . . Dragi brati oveh občin, vnogi se čeja vtopiti — i buduse vtopiti . . • kajti nerazmeju, i budu rajši za Nemce deržali, te Bog nam pomagaj — ovdese vidi, i videti može svaki tudi bezuman čovek, osebujno pako serčen Slovenec spozna Providnost višnega Boga, kak oni kojemu budi Slava od vek vekoma, kao dobrostivi oče za naš Slavensko Ilirski narod skerbi, koj još v starom vremenu gospodojučem Gerkom i potlam Rimlanom velki strah i trepet je zavdal, kada so ove reči čuli „Ilir je Slavjan!" —; I to nam svedoče stare knige, i novine našega slavnega Varoša Gradca pod imenom : „Aufmerksame" u broju 41, i 22 meseca Maja godine 1813. najmre konac (Beschluß) i mnogi drugi, gde vidimo medje stare naše Ilirske Domovine, i najvučenejši zbrisane glave ljudi nam svedočiju : da je Slovenstvo en najvekši narod za ono vreme, kao dan današni bio ; nego potlan u bratinskih vremenah neki, a drugi pak po bojeh pristupili su k drugem narodom, i se znjimi na svoj kvar zjedinili i pod jedno sveto Korunu stupili i brati vučinili, kak na priliko : Ilirci Horvatski, Slavonski, Dalmatinski naši brati pristopili za ono vreme poštenja vrednim Madjarom iliti Vugrum ; Mi i Krajnci i Korošci združili smose spoštuvanimi Nemci, i tak jesu se svi Slovenci raztepli; samo Ilirci iliti Ruski Slavenci, kojem niti skoro broja neznatno po pravom, tuliko njih je, imaju još dan danas poglavara is Svoje Kervi slavenske, najmre Njihovo Carsko visokost Nikula Pauloviča pervoga u Petrogradu iliti nemački Petersburg i u Moskvi (Moskau) stanujučega. — Odovud dragi brati slavenski očevidno spoznamo, kak u špot če prepasti on svaki, koj bise kak smo čuli od Gospode naše podufal reči, da je mala šaka Slovencev. Je hvala Bogu lepa šaka našeh Slovenskih bratov, samo u našem kraju Sveta u Europi poleg svedočanstva Danice Horvacko Ilirske godine 1835 u broju 21 je 80 milionov ljudi, koji pravi naši slovenski brati jesu. Zato vsaki verni sin Slovenski, koj bu buduč od koga mu drago čul, takove bedeste reči „da Slovencov je mala šaka", naj jest on Gospon
