VJESNIK 12. (ZAGREB, 1910.)

Strana - 211

211 stehen bliben vnnd nit vmbfielen, wendet die Gaisz auch auf dem hechsten holz gleich sowohl hervmb als auf dem ersten, vnnd alsz er nachmals mit seinem gauggelsackh mehr gespillet, ist er abgezogen, vnnd ime der Ali Passa ein grosze handt vol Thaller schenkhen lassen. Nachmals hat man zwey rundte lederne Taffeldeckhen gebracht vnnd lange hülzerne Leffel auch langlet geschnitten Waiszbrodt ringsherumgelegt, vnnd darauf in hochen metallen Schüsseln, auch ettlich braidte vnnd kleine plädtlein, viel Speisz aufgetragen, von Fleisch, gebrattenn vnnd gesotten hüenern, rays, waichsei, gemues, Suppen vnnd dergleichen, auch also mit einer Metallen Khandel vnnd Peckh zu waschen gebracht. Darauf die Passa vnnd Beegen sich gleich auf die Teppich, wie auch Herr Orator, Herr Rimay, Herr Widtmayr vnnd jungen Herrn von Herberslein zu inen nider gesezt, ain Türgg bracht auch ein lang gescheckhet Thuech in formb eines handt Thuech, das legeten sy für sich auf ire Klaider, (fol. 36 a) vnnd gab man jedem ein Seruet in die handt. Da assen sy herumb ohne massen gar schnei vnnd brauchten nit viel Wasser, trunckhen auch wenig, vnd nur Scherbet. Weil der Habiii Effendi, ain . vornehmer Pfaff, darbey war, truncken sy kheinen Wein, sassen auch nit lang. Den Dienern aber des Herrn Oratoren sazten sy ein grossen Schemel für, darauf sezten sy auch allerley Speisz, vnnd welchen davon gelüste, der ässe. Wahren aber wenig speisz, die vnns annemblich, vnnd da man vnns den Scherbet zu trincken gebracht, wier aber alsz Teutsche Scharräp begerten, brachten sy vnns gutten rotten Wein in grossen Porcellana Schallen, darinen Eis gelegt. Trunckhen wier also mehr, als wir assen. Nachmals ist Herr Orator bald widerumb hinweg gefahren, vnd weil berürte vorgetragene Speisz ime nit getaugt, haben iro Gnaden erst auf seinen Schiffen zu Nacht gessen. Nach dem Essen hat des Ali Passa Chiai zu ime geschickht, ob er was khurzweilig sehen wolt, dasz ir gnaden gewilligt vnnd zu im khomen. Da hat ein Gaugier in einem verborgen Zelt bey einem Licht durch ein durchsichtig Thuech mit geschnitzten Mandl vnnd Weibern allerley Possen getrieben, vnnd er selbst auf allerley arth von Mann vnnd Weib geredt. Den 12. July ist der Herr Orator aida böses regen vnnd Windtsweter halben gebliben. Zu mittag den Chiai von Ofen, den Beeg in der Vestung vnd noch ainen andern Beeg zu Gast gehabt, da man lustig gewesen, vnd yeder Beeg ir gnaden ein schönes Rosz geschenckht. Auf den Abent ain junger Mensch, ainer von Müngwiz aus Meissen, so vor etlich Jahren gefangen worden vnnd iezt ainem türggischen Aga für ainem Laggey gedient, bey Ir Gnaden gessen. 15