VJESNIK 12. (ZAGREB, 1910.)
Strana - 212
212 (Fol. 36 b. slika: „Block".) (Fol. 37 a.) Den 13. dits sein wier zeitlich aida hinweg vnnd vnderwegens auf der rechten handt etlich verödtete Caste], als Nesi Kereskin, Bononia, Monostor 1 gesehen, vnnd zu Petro Waradin, das ein ansehen einer grossen Vestung, abgestigen, der Herr Orator auch dieselb zu besehen hinaufgeritten, darinen aber änderst nichts gesehen, als ein verödte Khirchen, mit einem grossen starckhen Thum, daraus die Türggen ein Moschea gemacht. Sol vor Zeiten ein Closter gewest sein, wie es doch die Anzeigung gibt, aber iezt wie andere Schlösser vnnd Heüsser wie vorgemelt, alles verwüest vnnd verstört, inwendig auch alsz andere mit Heusei von Zaun vnnd Khot gemacht. Hat sonst gleichwol zwo ringmaurn, vnnd ligt aui einem zimblichen hochen freyen Perg, dasz vor Zeiten wol ein feine Vestung gewesen, auch noch ein statlich Vestung daraus gemacht werden möcht, wie man dan sagt vnnd die Türggen vnns selbsten angezaigt, dasz der türggisch Khaiser Solimannus in belegerung vnnd bestürmung dieses Hausz wol vierzig Thausent Mann verlohren haben soll. Der Beeg vom Schloss hat auch Speissen vnnd Wein herab bringen lassen vnnd Ir Gnaden Collation gehalten. Alsdann Herr Orator widervmb zum Schiff gangen vnd etwo ein halbe meil vnderhalb, bey einem zimblichen grossen Dorf, darinnen ein öde zerbrochene Khirchee, Karoni genannt in gemain aber die Vnderthanen Carlowiz nenneten, zuegelendt. Aida ist auch ein khriechisch Khirchl samt einem Closter vnd Orden von Widtfrauen, die tragen schwarze Khlaider vnnd schwarze Schleyer am Khopf. Das Khirchl ist inwendig mit viel alten gemähl vnnd Thaffel von golt gezierdt, auch etliche liechter gebrennt. Zaigen auch aida eines Heiligen Khopf Tecla (fol. 37 b) genant. Alhie wier vber Nacht gebliben vnnd des türggischen Khayser Capizi Passa ainer sambt den Chiaia von Ofen bey lr Gnaden gessen. Bis daher drey Meil. Bey diesem Dorf hat es viel Weingewächs vnnd sehr gutten Wein, haben auch sonsten ein schöne Veldtbaw, Viechwäden vnnd viel Viech. Aida Räzen wonen. Man hat vnns aida drey grosse Vass Wein, viel Hüenner, Andten, Gensz vnnd andere Victualien geben. Diesen Tag wier auch den Perg Almum, 2 so ein zimblich gross vnnd lang gebürg, zwischen den Wassern Saw vnd Trag gelegen, gesehen, vnnd ist dieser tractus sonst auch der ortten etwas gebürgig, doch aller fruchtbar, ohne holz vnnd Waldt. (Slika: „Petro War din"). (Fol. 38 a) (Slika: „Carlowiz".) Den 14. July sein wier von danen wider hinweg, vnnd auf der rechten handt neben einer hoch, das vor Zeiten wie eigentlich zu sehen ein lautter Weingebürg gewesen, 1 Neštin, Cerević, stara Bononia ili Malata, Banoštor. 2 Fruškagora.
