VJESNIK 12. (ZAGREB, 1910.)
Strana - 208
208 meuer, an seitten mit rundein vnnd darinen ein zimblich hochen Thurn, aber inwendig alles eingefallen, vnnd hat khein Tach. Wonen gleichwol hin vnd witter in den Wünkheln vnnd Khellern Räzen vnnd Türggen. Der Perg, darauf das Schloss stehet, ist vmb vnnd vmb gleichsamb etwas rundt vnnd gar frey, alsz wann er mit einem thieffen graben vmbfangen weher. Vor dem Schloss heraus hat es ein grosses Dorf mit viellen schönen Gärten von allerley obs, das vnns auch die räzischen Weiber zu khauffen gebracht; bewohnen Räzen vnd Vngern solches vnnd haben ir Exercitium Christlicher Religion. — Bis daher 4 Meil. Den 10. July sein wier vmb 9 Vhr wider von danen gefahren vnnd zeitlich auf Walkowar 1 khomen, aida der Fluss Valko in die Thonau fleust. Darüber ein lange Pruggen, so Kheyser Solimannus, als er für Sigeth dies (fol. 33 a) belegern gezogen, bawen lassen. (Slika: Erdewd.) Dieser Fluss ist sonst nit Schifreich, doch zimblich braidt, thief vnnd sumpfig. Das Schloss ist vor Jahren, wie der Augenschein gibt, ein fein lustig vnnd zimblich vest Hausz gewest, auf einem runden vnnd freyen Perg ligent, wie es noch ein starckh gemeuer ausen herumb vnnd seine Tâcher hat, aber inwendig ist, wie andere türggische Heuser, vast alles ganzt verwüest vnnd vnsauber, vnd hat khein einiche (fol. 33 b) Wohnung, die Türggen vnder dem Thor vnnd sonst in etlichen Winkhein wohnen, sein gleichwol zimblich viel Veldtstückhel darinen. Herausten hat es ein zimblich schönen Markh, mit wolgebauten Paurn Heusern vast aul vnser teütsche arth, daraus erscheint, dasz der nie verprendt oder uastiert worden. Bewonen in Vngern vnnd Räzen. Die gegent dis orts sehr lustig vnd fruchtbar, mit viel schönen Gärtten, Veldern vnnd Weingärtten, vor Zeiten auch ein gewalltig grossen Weingewächs, da sehr gutter Wein gewachsen, gehabt haben sol, als auch die gelegenheit hervmb anzaigt. Hieher drey meil. (Slika: Walkowar). (Fol. 34 a) Den ailfften dits sein wir zeitlich von danen hinweg vnnd auf der rechten seitten stetigs ein fein hoche gestetten vnnd droben ein fruchtbar eben Landt, auch balt in einer halben Meil ein zerstert Castel vnd Khirchen bey einem Dorf gesehen, Zatka 2 genant, vnd weitter hinab aber ein zerstörtes Schloss vnd Closter Athia, 3 darbey ein Weingebürg gesehenn. Von danen sein wier vmb mittag auf Vilack oder Illok khomen. — 4 Meill. ') Vukovar. 2 ) Sotin. 8 ) Opatovac.
