VJESNIK 12. (ZAGREB, 1910.)

Strana - 209

209 Dieses Vilack ist sein Statt an der Thonaw, auf einem zimblichen hochen Perg gelegen, vnnd noch mit einer starkhen Maur nach teutscher Manier vmbfangen, auf der einen Seiften mit der hoch des Perg, auf der andern seitten mit einem thieffen graben, wo das rechte Thor ist, versehen, hatt ein Pruggen vber den graben, vnd nur ein Thor dardurch man mit Wägen fahren khann, sonstens drey wol verwarte Thör, ehe man gar hinein khombt, balt hinder einander, vnnd bey dem ersten Thor inwendig ein starkhe Vorwehr zu beiden Seitten in formb einer kleinen Pasteyen. Auf den Maurn rings herumb hat es seine starkhe vnnd weitte stänt zur Wehr. Die Statt ist nach lengs des Pergs gebaut, auf die Manier wie Graan, doch viel weitter vnnd lenger, vnnd droben gegen dem Thor hat es ein grosse Eben, hat darinen etliche Khirchen vnd Clöster, auch hoche starkhe Thürn, dieselben aber iezt alle verwüest, verfallen vnd vnnuz wordten. ' In einer öden Khirchen haben wier noch eines Khonig aus Seruien

1 hochen grabstein gesehen, der doch auch wuest vnnd in kheiner acht gehaltten wirdt. In der Statt hat es auch, wie noch zu sehen, ein schönes Schloss gehabt, mit einer sondern Ringmauer vmbfangen, dass doch an Dach, Fenstern, Pöden vnd allen Wonung ganz ruiniert vnnd zu grundt gangen, allein das eusser gemeuer mit (fol. 34 b) schönen Fenstern noch stehet, das es zu erbarmen vnnd schmerzlich zu beclagen, das die Türggen alle Stett, Schlösser vnnd Fleckhen, was sie einbekommen, so gar ruinieren vnnd zu Poden gehen lassen, vnnd nit allein nichts bawen, sondern die alten schönen Heuser vnd Stet, die sy doch ganz vnd unzerbrochen in die Hendte bekhomen, auch nit in irem notwendigen Baw weder an Dach, Pöden, Fenstern, noch Wohnungen erhalten, wie dasz an Ofen, Tolna, Mohach, Walkowar, diesen Fleckhen Vilack vnd allen andern Stetten vnnd Heüssern zu sehen. Wie dann in dieser Statt alle alte schöne Heüsser eingangen vnnd verwüest, vnd an deren stat mit Zaun vnnd Khot schlime Hütl, darinen bey vnnsz ein Viechhüert sich nit gern aufhilt, gemacht, aber vor Jahren mues diss, wie wol zu sehen, ein schöne zimbliche veste Statt gewest sein. Auser der Statt vor dem haubt Thor her ein gros Dorff, von Räzen vnnd Türgen bewohnt, der Situs hiervmb ist ein eben, fruchtbar vnnd sehr lustig Landt, alles von schönen Obspaumen besezt, in rechter Ordnung, das es ein ansehen vor Zeiten, ein schön grosser Gartten gewest sein mues, in massen einer dergleichen vnder der Statt bey dem Wasser, welchen lust ohne Zweifel, weil Khönig Mathiass von Hungern Mutter in irem Wittibstandt aida gewohnet haben solle, ir zum lust gepauen haben wirdt. Alsz nun der Herr Orator mit zweyen Gutschien in die Statt hinauf die zu besehen gefahren, der Ali Passa aber sambt andern 1 Bosanski kralj Nikola Iločki.