VJESNIK 12. (ZAGREB, 1910.)

Strana - 14

14 baten zu schreiben, wo er in Krabathen oder windischen lannden vei

1nemben ward, die dienstleut zu ross oder fuess den Venedigern zu ziehen wolten, das er solhes vnnderstee. Herr Bernhardin Ritschan hat bey dem poten, so er mit des Gaismairs brieten gefanngen, zween brief, so mit der vberschrifft auf beruerten eur kn. mt. Waan lautten, gefunden, derselben brief copeyen mit dem C. verzaichenndt, schigkhen wir eur kn. mt. hiemit zu vernemben, der pot hat an der strenngen frag von beruerten briefen noch anndern nichts bekhennen wellen, solanng pis man in auf die laitter gespannt, mit eeren vnd erlaubnuss e. kn. mt. schreiben, die stifl abzogen, hat man die zwen brief in den stifln gefunden. Wie vnd was man weitter mit dem potn hanndln sol, pitt der Verwalter vmb genedigen beschaidt. Der verwallter der landshaubtmanschaft hat e. kn. mt. jungist anzaigt, wie der Turgkhen martholosen etlich sainer in Laaserwaldt nidergeworffen. Nun haben ettlich Tschutzen, so graf Wolffen zum Prundlein gen Jabliniz gehörig, welhes Jablinitz drey meil weegs ob Zenng bey dem meer ligt, auch annder Tschutzen mer zway hunndert saumb saltz zu Modrusch furgefuert vnd dieweil Caspar von Carschan bericht worden ist, das solhe niderlag nit der Turgkhen martholosen gethan sunder ettlich Tschutschen, so vnnder vnd mit beruerten zwayhundert saum saltz zogen. Demnach hat beruerter Karschanner angezaigte saltz ross vnd leut verpotten vnd an. die supleut begert, das sy im vier, so mit vnd bey gewesen als die niderlag in Laserwald beschehen, anntwurten. Wiewol sich die supleut solhes bewilligt, so haben sy doch dieselben vier haimlich geschoben, das sy in den waldern dauon kum en sein. Nachmals hat graf Wolff dieselben vier auch annder, so dabey gewesen sein, als man die in Laaserwaldt nidergeworffen, zu Jablinitz beuolhen anzunemen vnd seinem phleger daselbst zu antwurten, aber wie man sagt, soll derselb phleger dieselben gefanngen haimblich ledig gelassen. Darumben graff Wolff beruerten phleger gefanngen. Darauf haben wir dem Karschanner geratten, das er die rechten vrsachen vnd rädlfuerer, so mit vnd bey gewesen, als die niderlag in Laaserwald beschehen, mit rossen vnd allem annderm guet bis auf e. kn. mt. weittern beuelh, fenngkhlich wolbewardt halt. Uber die anndern sol er auf purgschafft dergestalt, wann sy e. kn. mt. erfordert, das sy sich stellen, mit iren rossen vnd guet ziehen lassen. Herr Jorg Schniznpawer hat drey Walhen, so zu Modrusch, zway turgkhische ross, nemblich ains vmb LV, das annder vmb XXI ducaten kaufft, mitsambt den rossen gefanngen, die Walhen hat er nach vnnserm rat ziehen lassen vnd die ross behalten, bey weihen Walhen er die hiebey ligunden post poten brief vnd zedl in ainem punkolen bewart mit dem D. verzaichenndt gefunden.