VJESNIK 12. (ZAGREB, 1910.)

Strana - 13

auschnit noch àuf die stundt vber zway tausent gülden nit einpracht hab, des sey der bischoff zu Agram der achthundert phardt versoldt, dergleichen der Thahi Anusch der auch ettlich hundert phardt versoldt hallt vrsacher, wann dieselben zween sein guet weidisch. Dieweil e. kn. mt. dieselben zween nit vertreiben vnnd anndern zu exempl straffen lassen, haben e. kn. mt. in windischen lannden nit vil gehorsam, sonnder vil meuterey vnd verreterey, wie das eur kn. mt. selbst genedigclichen bedenngkhen mugen. Nachdem auch aus den geslössern, so graf Bernhardin Frangenpan zuegehörn vnd die er sich eur kn. mt. vberzuantwortten erpeut, wo die in der Venediger oder Turghhen henndt komen, e. kn. mt. erblannden grosser schaden zuegefuegt werden mecht. Demnach pitten wir eur kn. mt. vnnderthänigclich, mit graf Bernhardin hanndln vnd practiciern zu lassen, das er dieselben geslosser e. kn. mt. abtret, das ist warlich fur eur kn. mt. lanndt vnd leut, das mugen eur kn. mt. bey Vdwin abnemben, was allain aus derselben besezung eur kn. mt. vnd dem lanndt schaden zuegefuegt Wirt; Dieweil sich dann graf Bernhardin, der vor Zeiten der mächtigisten grauen in Krabaten ainer gewesen ist, erpeut seine geslosser e. kn. mt. abzutretten, dabey mugen eur kn. mt. ainer ersamen lanndschafft in Crain anzaigen das Krabatlanndt verderbt vnd nun an disem armen lanndt ist, desster m er glauben geben. Demnach pitten wir eur kn. mt. vnnderthänigclich, wellen das arm lanndt vor der Turgkhen taglichen vberzug vnd vberfall genediglich beschützen vnd beschermen. Wann sy haben gar kurtzlich den Karst, Costall vnd annder flegkhen mer vberzogen vnd jetzo haben sy sich vmb Gotschee angenomen. Wurtzen also von tag zu tag ye paser ins lanndt, das well eur kn. mt. als genedigister herr vnd lanndsfurrst genedigclich verhuetten. - ' Genedigister kunig. Der waan Hanns Kowasitsch vnd die vom Wihitsch haben eur kn. mt. lanndshaubtmann herrn Veiten vom Turn in abwesen seinem Verwalter drey schreiben, so hiebey ligen, mit dem A. verzaichent, zuegeschigkht, auf solh ir schreiben haben wir inen gueten trost geben, eur kn. mt. werde sy mit genediger hilff nit verlassen. Genedigister kunig. Der Verwalter der lanndtshaubtmanschaft in Crain hat e. ku. mt. kurtz uerschinen ain copey aines Schreibens, so vom Gaismair mit der vberschrifft aufn Hannsen Zauchner glaut, zuegeschigkht vnd anzaigt, das herr Bernnhardin Ritschan an grafen zu Sarin begert, denselben Zauchner anzunemen. Was auf solh begern gehanndlt auch des Gaysmair schreiben, werden eur kn. mt. aus hiebeiligunden copeyen mit dem B. verzaichenndt, vernemen. Demnach wolt vnns fur guet ansehen, dem grauen zu Serin ernnstlich zu beuelhen, beruerten Zauchner anzunemen, dergleichen eur kn. mt. waan in Kra-