VJESNIK 11. (ZAGREB, 1909.)
Strana - 40
40 Mathias Kerecheny de Kaniafeolde una cum generosa domina Cunigunda consorte sua, filia praefati quondam Andreae Henningh, oneribus et quibuslibet gravaminibus universorum etiam et quorumlibet fratrum, consangvineorum, affinium, prolium et proximorum suorum per omnia assumptis et levatis in et super portionibus eorum posses-. sionariis in possessionibus Jakowlia, Alsobiztra et Jablanowcz vocatis, idem Stephanus Gregorianczy super totali portione in dicta Jakowlia, ac quatuor jugeribus terrae ac foenilibus in Obrow ad duo plaustra et in Alsobiztra ad tria circiter plaustra foeni sese extendentibus, item dicta olim domina Ursula Mekniczer cum praefata quondam domina Sophia filia sua super sessione una jobagionali in Jablanowcz, in qua providus Stephanus Hernchewith, ac dimidia in territorio Alsobiztra, in qua Joannes Michalich coloni earundem condam dominarum résidèrent, praeterea totali portione earundem in praescriptis possessionibus Jakowlia et Alsobiztra seu Obrow vocatis, memorata vero domina Cunigunda Henningh cum annotato quondam Mathia Kerecheny domino et marito suo totali super portione sua possessionaria in eisdem possessionibus Jakowlia et Alsobiztra seu Obrow in pertinentiis dicti castri Zomzedwara omnino in comitatu Zagrabiensi existentibus habitis, eatenus videlicet, quatenus eaedem portiones tempore divisionis in ratas portiones ipsis cessissent, ac apud manus fidelis suae maiestatis egregii Michaelis Wrnoczy, suae maiestatis in regno Sclavoniae dicatoris, ab eadem familia Henningh tune titulo pignoris existentes, simul cum cunctis earundem portionum utilitatibus, fructuositatibus, emolumentis, usibus, fructibus et pertinentiis quibuslibet, ad easdem semper et ab antiquo spectantibus et pertinere debentibus, annotati siquidem Stephanus de Gregoriancz et quondam domina Ursula Meknyczer et Sophia perennaliter, praefati vero domina Cunigunda cum dicto olim Mathia Kerecheny marito suo vita durante praefato Michaeli Wrnoczy haeredibusque et posteritatibus ejusdem universis, mediantibus literis fidelis suae maie statis magnifici Christophori Wngnad de Sonnegh etc. bani fassionalibus fecisse dinoscuntur, regium suum consensum, benevolum pariter et assensum praebuit, totumque et omne jus suum regium in praeattactis bonis qualitercunque habitum, simul cum cunctis suis utilitatibus et pertinentiis quibuslibet quovis nomine vocitatis, memorato Michaeli Wrnoczy ac Gaspari et Georgio filiis suis, ipsorumque haeredibus et posteritatibus universis jure perpetuo et irrevocabiliter dedit, donavit et contulit. Salvo jure alieno. T. d. r. s. tom. 1. p. 155. — Lib. reg. tom. IV. p. 436.
