VJESTNIK 6. (ZAGREB, 1904)
Strana - 215
215 septimana expeditionem sit suspecturus (cui et ego ex mandato altaememoratae eiusdem Maiestatis Sacratissimae de necesse interesse debeo) quam primum idem D. comes palatinus Posonio iter suum sumpserit, comissionem meam Posonii deinde consequenter in aliis etiam locis Trans-Danubianis iuxta contenta instructionis meae a Sua Maiestate Sacratissima mihi datae sum inchoaturus. Deinde solum patientiam tantisper Illustrissima Reuerendissima Dominatio Vestra habere velit inde incumbam, quo in locis quoque istis Cisdanubianis eandem commissionem sicut et in Legrad cum incremento religionis catholicae, ac iuxta benignam mentem et voluntatem Suae Maiestatis Sacratissimae finire possim et valeam. Cuius prout faustum lortunatumque eventum spero, ita in reliquo eandem Illustrissimam ac Reuerendissimam Dominationem Vestram diutissime salvam et incolumem vivere et ad vota valere desidero. Datum Sarvar die 8. Septembris, 1682. Eiusdem Illustrissimae ac Reverendissimae Dominationis Vestrae Seruitor et filius paratissimus Comes Nicolaus Draskouics m. p. XXVIII. Illustrissimo ac Reuerendissimo Domino Martino Borkouicz, Episcopo Zagrabiensi, Sacrae Caesareae Regiaeque Maiestatis Consiliario, etc. Domino Patri colendissimo. Zagrabiae. T. XIV. Nr. 81. Illustrissime ac Reuerendissime Domine Pater mihi colendissime! Salutem et obnixam servitiorum meorum commendationem. Triduo ante huc adveniens, tum autumnalis aurae causa, tum vero volens representare Suae Maiestati Sacratissimae in negotio Religionis hactenus peractae articularis comissionis seriem ; querulosas (ratione introducti Legradiensis Praedicantis) Reuerendissimae Dominationis Vestrae rite suscepi literas. Ego fateor lubens Legradinum usque et alia ad loca praefatam articularem commissionem iuxta muneris mei exigcntiam progrediendo continuassem, verum quia Domini Collegae mei per Suam Maiestatem Sacratissimam pro eadem commissione peragenda deputati, nonnulli quidem aliis publicis negotiis praepediti, ipse vero Dominus Comes Stefanus Zichy senior tamquam apostolicae regni coronae custos, respectu actu vigentium in regno, partibusque Posonio vicinis, tumultuum longe ab eadem abesse nequiens, terminata commissione ad sua redierunt; nihilominus tarnen (ex quo ipsemet praetactam commissionem continuare non potuerim) tam ex dictamine officii mei, quam etiam requisitionis Reuerendissimae Dominationis Vestrae condigno respectu habito, continuationem eiusdem commissionis signanter vero in ciuitate Legradiensi vicecomitibus comitatuum Szaladiensis et Somodiensis authoritate Suae Maiestatis mihi eatenus attributa, vicibus etiam iteratis delegavi et comisi, ut videlicet loca in dictis comitatibus evangelicae et helveticae confessioni addictis, ea duntaxat assignent, in quorum actuali possessione et usu fuerant tempore conditorum 25. et 26. postremae diaetae articulorum, si quae vero alia expost loca occupassent, eaque praedicantes suos introduxissent, abinde una cum restitutione eiusmodi occupatorum locorum (veluti Legradini) amoveantur. Non dubito, quin dicti vicecomites hanc Suae Maiestatis Sacratissimae benignam mentem ac voluntatem mora absque omni sint effectuaturi. Neque etiam intermittam praescriptam Reuerendissimae Dominationis Vestrae ratione amotionis Legradiniensis praedicantis instantiam prima habita audiencia Suae Maiestati Sacratissimae hum illime intimare, et quidquid eatenus Sua Sacratissima Maiestas mihi ulterius demandare dignabitur, lubens morem geram. In reliquo pristino affectui Reuerendissimae Dominationis Vestrae me commendans, maneo eiusdem Illustrissimae ac Reuerendissimae Dominationis Vestrae filius seruire paratissimus Datum Viennae die 25. Octobris, 1682, Comes Nicolaus Draskouiiz.
