VJESTNIK 6. (ZAGREB, 1904)

Strana - 204

204 et seniorum uel conuersionem, uel saltem decessum, sensim sine sensu ad veram fidem pertractum iri. Verum si uitae media defuerint, tarn patri Missionario quam ludi rectori post pascha in Ungariam remigrandum erit, irreparabili animarum, quae intérim ad veritatis lucem perducerentur, damno. Haeretici Ungari saepius petierunt sibi fieri conciones in pristino Lutheranorum templo, sed quam id Reuer. Dominationis Vestrae et etiam Dominae Comitis Zrinianae non probatur Pater Szentpali denuo incipiet hoc quadragesima in Catholicorum templo bis terve per hebdomadam concionari et expiri an possit Acatholicos assuefacere ad ingressum ecclesiae Catholicis deputatae. Si nihil impetrauerit, excedendus erit usus synagogae Lutheranae usque dum nova construatur ecclesia, vel certe intérim aliorum conuersioni alibi labor impendendus. Intellexi Generosum Dominum Prasinszki alio breui profecturum ubi quae de nouo erigendo templo comemorari proponere, et opportune urgere poterit. Supplico proinde Reuerendissimae et Illustrissimae Dominationi Vestrae dignetur ei hoc ipsum negotium quam efficacissime comendare. His me Reuerendissimo et III. D. humillime inclino, et prosperum sacrae quadragesimae decursum animitus precor. Varasdini 16 Februaru, anno 1673. Illustrissimae ac Reuerendissimae Dominationis Vestrae minimus in Christo Seruus, Georgius Gailer, Societatis Jesu Sacerdos. XII. Illustrissimo ac Reuerendissimo Domino D. Martino Borkovics Episcopo Zagrabiensi, Abbati Beatissimae Virginis Mariae de Topuszha, Caesareae Regiaeque Maiestatis Consiliario, Domino D. praelato mihi gratiosisimo. T. IX. Nr. 61. Illustrissime ac Reuerendissime Domine D. praelate gratiosissime salutem et meas humiles praeces. Ne itéra tis meis scriptis molestus sim III. ac R. Dominationi Vestrae h u militer veniam peto, recurro tarnen confidenter tanquam ad praelatum gratiosissimum, quatenus insinuem ex humili litera mea, qua vel audita vel oculis mei uisa Legradini facta sunt, scripseram nuper rationis praedicantis, quem ego in negotiis meis pênes Drauum equitando cum uno Calvino, alias bono homine, obviantem et Legradinum venientem reperi, quem cum ex suscipione advertissem, uolui illum comprehendere, sed ob verba et blanditiem eiusdem hominis nequam calus in pace pertransire de quo et dicitur, quod illis occulto administret. Iam uero elapso die Dominico, id est 5. praesentis Julii, apud Dominum Darabos exissent, aperuit mihi oblique, quod Illustrissimus D. Comes ipsi scripsit literas ratione praedicantis, sed substantiam rei mihi non dixit. Nisi ego euocando scribam ipsius ad partem, qui mihi statim literas Illustrissimi D. Comitis et in suis 111. ac Reuerendissime Dominationis Vestrae inclusos et Domino Darabos missos perlegendos dédit. In quibus demandauit D. Illustrissimus Comes, quod si taies essent Legradini, qui vel scripturas illis oculto legerent uel alia exercitia facerent eosdem ipso puncto foras expediret et exturbaret, has literas in absentia D. Darabos vice capetaneus aperuit et tanquam inimicus fidei nostrae Illustrissimo D. Comiti negatiue respondit, quod taies litterati vel alii conducti non essent Legradini, sed falsum responsum dédit D. Comiti, nam et de facto apud quendam Joanem Kouacs quouis die Dominico legunt et sua faciunt, uti etiam in tribus certis locis quo conueniunt non quidem iam ita matutino tempore sicut antea faciebant, antequam audivissent Comitis demandationem, sed deceptiue quarta hora pomeridiana conueniunt et sua exercent. Hac omnia ita imperata cum intellexisset quidam superbus Caluinista cognomine Siclosy, cum magna insultatione coram aliis dixit se neminem timere, sed imposterum in suo domo çurabit fieri sua sacrificia uel potius maleficia. De omnibus istis fui locutus Dmino Darabos