VJESTNIK 6. (ZAGREB, 1904)
Strana - 118
118 ac aliorum etiam quorumvis capitulorum et conventuum ; magnificis item egregiis et circumspectis proceribus, nobilibus, liberarumque ac regiarum civitatum Nostrarum, oppidorumque et quarumcunque communitatum iudicibus, rectoribus, magistratibus et incolis in praefatis Croatiae et Sclavoniae regnis Nostris existentibus, cum praesentibus, requirendis : salutem et gratiam. Quandoquidem Nos fideli Nostro Paulo Ritter, equiti aurato et georgiano, nec non consiliario Nostro aulico, certa negotia, servitium Nostrum et sacrae praefati regni Nostri Hungariae coronae commodum tangentia et concernentia peragenda, riteque perflcienda, ac simul necessarias etiam inquisitiones, ubi praefati servitii Nostri et sacrae coronae commodi ratio postulaverit, penes aliud benignum compulsorium mandatum Nostrum suo modo peragendas, clementissime commiserimus. Ideo Vobis, quibus supra universis et singulis, ac aliis etiam quibusvis, cum praesentibus requirendis, harum série firmiter committimus et mandamus quatenus praenominatum Paulum Ritter, velut deputatum hoc in passu hominem Nostrum non solum ubique locorum secure ire, morari, accedere, benevoleque excipere, verum etiam quidquid in conservatoriis vestris notitiarum, jura praefatae sacrae coronae regni Nostri Hungariae aut regni Croatiae limites tangentium haberetis et haec inter capitularia aut conventualia, vel civica, aut oppidana acta, signaturas et protocolla, vel in privatis apud familias conservatoriis reperiri possent, eidem prompte et sine omni excusatione communicare ac ea omnia, quae praedeclaratum servitium Nostrum, vel praelibatae sacrae praedicti regni Nostri Hungariae. coronae commodum et emolumentum quomodolibct tangere et concernere comperirentur, experiri, excerpi et extrahi facere eidem permittere, perque suos permitti facere, non minus etiam in instituendis praeattactis inquisitionibus, ubi peragendas fore iudicaverit, testimonia vestra fide digna exmittere, promptemque et fidelem operam eidem praebere modis omnibus debeatis et teneamini. Benignam ac seriam hoc in passu mentem ac voluntatem Nostram rite executuri, ac simul praementionato servitio Nostro, nec non benememoratae sacrae praefatae regni Nostri Hungariae coronae commodo ac emolumento, inutiliter consulturi. Praesentibus perlectis exhibendi restitutis. Datum in castro Nostro Ebersdorff die 15. mensis septembris, anno Domini 1701. Leopoldus mppa. L. S. Ladislaus Matyassovsky episcopus nitriensis mppa. Ladislaus Hunyady mppa. Forinsecus : 1702. die 19. januaru praesens mandatum venerabili capitulo ecclesiae zagrabiensis praesentatum est. Michael Laczkovich, canonicus ecclesiae zagrabiensis mppa. Anno Domini 1702. die 6. februaru praesens mandatum suae sacerrimae Maiestatis praesentatum et exhibitum est in capitulo. Michael Brukecz, lector et canonicus chasmensis mppa. Praesens mandatum sacerrimae Maiestatis venerabili capitulo cathedralis ecclesiae segnienses est praesentatum die 29. maii, anni 1702. Presbyter Wolffgang Vlatkovich, canonicus et iuratus cancellarius supradicti capituli mppa.
