VJESTNIK 5. (ZAGREB, 1903)
Strana - 5
5 Na varaŠu Klimpacheva kći, koje je muž vu Peču h preŠel. Maurekovicha v Nove Vesi. Pri Svetom Duhu Sigulinchicha Mateka žena. (Mortua est). Vu Bergudinove hiži udovica Paulova. Na Potoku Januša Horvaticha remenara punica. Pri Kervavom Moztu Hižaka šoštara udovica ; na Potoku item Muchonka. Item Muchonka stara, i to veli da i ona leće, ali nezna imali mazti. Mladoga kovača žena, koja stoji na Manduševcu, gde je bil Ponikvarov maroff. I to veli, da je jedno letto med nimi i da su ju u večer na Harmice vzele vu lettu (quam postea revocavU). Marolichka z Prekrižja. Zidarica, koja pri špitalu stoji od zgora druga hiža. Czelina kći. I to veli, da tak zna, da su prave copernice, kaj po zraku z nj um leću. Veli nadalje, da ono letto nesu nigde naškodele ničemu. Pervi put veli, da je je vrag dušu prosil, ali mu je ne dala, a drugo to da sem mu obećala, da bude z menum živel, ali ne živela šnim, nego samo jenkrat doma Š njum pregrešil kakti muž ženum na postelje, onda je nje muž bil prek Save, i veli da je već krat hotel vrag š njum grešiti, ali ne hotenja priložila. Taji, da ona nema masti, nego veli da ju je Muchonka stara mazala, koja i vezda masti ima. Da mast hote napravljati, tak decu paraju, onako je vu zibki zaduŠe pak je zkuhaju te z onoga mast napravljaju, i drugde gde mogu udobiti na križeputju, ali gde, pak veli da z onum vodum, vu čem se kuha dete, Škrope po polju i po goricah ter od onoga mora poginuti, kada veli vse skupa udobe dete tak vse med se mast dele, ako pak sama jedna vzeme, tak drugem nedade. Tuča veli da se z pepela parilnoga kvaternoga napravlja, i onak tepu s leskovimi tremi šibami u pepel, a šibe moraju jedno letto stare biti, i to vu potoku ali u mlake, i da onak vu zrak zdignu i zlete i da je vrag snimi. I to veli, da je i ona s nimi bila pet puti lettos, okolu Margaretinja najzadnji put i to pri melinu plebanuševem, ali ne bila naškodela. Kade su mraz napravljale, da je dva puta bila, i veli da z trave vsakojačke meimešnje se napravlja, i na križeputju najraiše, pak baju nad nimi, i da je vu jeseni lani najzada bila. Suproti tem bestiam i zlom oblaku najbolje hasni svetstvo vsakojačko. In manibus justitiae sagae existenti nihil prodesse potest Daemon. Satrapae uxorem Georgii negat esse sagam nec unquam fuisse in ullo consortio aut complicitate. Veli da človek najberže na pepelišću i na kojnskom gnoju pogine, da zagovori najberže pomogu takvomu človeku. Coram me Georgio Skerniag substituto notario m. p. Me quoque Joanne Khayll exmisso et capetaneo praemissae civitatis.
