VJESTNIK 4. (ZAGREB, 1902)

Strana - 266

266 ropolecz similiter iuratus ciuis ciuitatis nostrae nouae superioris Crisiensis in comitatu eiusdem nominis existente adiacentis, suis ac iudicis et reliquorum iuratorum ciuium uniuersorumque incolarum et inhabitatorum, adeoque totius communitatis dictae ciuitatis nostrae Crisiensis, nominibus et in personis exhibuerunt nobis et praesentarunt certas quasdam literas spectabilis et magnifia condam comitis Thomae Erdödy de Monyorokerek, eotum tauernicorum regalium in Vngaria magistri, in pargameno patenter, ratione usus certi sigilli latino idiomate confectas, sigilloque eiusdem impendenti communitas, continentes in se certum iudicium tauernicale inter eandem nouam superiorem ab una, parte vero ab altera vetcrcm inferiorem ciuitates nostras Crisienses celcbratum tenoris infrascipti. Supplicatum itaque extitit maiestati nostrae nominibus et in personis quorum supra débita cum instantia humillime, quatenus easdem literas dicti condam Thomae Erdödy, attunc uti praemissum est tauernicorum regalium in Vngaria magistri, omniaque et singula in eisdem contenta, ratas gratas et accepta habentes literisque nostris priuilegialibus de verbo ad verbum inseri et inscribi facientes, approbare, roborare et ratificare, ac pro praefatis iudice, et caeteris iuratis ciuibus, uniuersisque incolis et inhabitatoribus adeoque tota comunitate dictae ciuitatis nostrae Crisiensis, ipsorumque posteris et successoribus uniuersis innouando perpetuo valituras confirmare dignaremur. Quarum quidem literarum tenor talis est. (Sequitur tenor literarum comitis Thomae Erdödy a. 1617. Vide documentum sub Nr. VIII.) Nos itaque huiusmodi humillima supplicatione antelatorum Thomae Medued et Mathiae Heruoy aliter Turopolecz, pro parte tam sua, quam praefatorum iudicis, iuratorum ciuium, caeterorumque incolarum et inhabitatorum ac totius communitatis saepefatae ciuitatis nostrae nouae superioris Crisiensis modo quo supra porrecta maiestati nostrae, regia benignitate exaudita clementer et admissa, praeinsertas literas memorati condam comitis Thomae Erdödy non abrasas, non cancellatas, neque in aliqua sui parte suspectas, sed omni prorsus vitio et suspicione carentes, praesentibus literis nostris priuilegialibus de verbo ad verbum, sine diminutione et augmento aliquali insertas et inscriptas quoad omnes earundem continentias, clausulas et articulos, eatenus quatenus eaedem rite et legitime existunt emanatae viribusque earundem veritas suffragatur, ratas, gratas, et accepta habentes, literisque nostris inseri et inscribi facientes, approbauimus, roborauimus et ratificauimus, ac iis quibus supra, ipsorumque posteris et successoribus universis innouanda perpetuo valituras gratiose confirmauimus, imo acceptamus, approbamus, roboramus ratificamusque et confirmamus, saluo iure alieno, harum nostrarum secreto sigillo nostro, quo ut rex Vngariae utimur impendenti communitarum vigorc et testimonio literarum. Datum in ciuitate nostra Vienna Austriae, die vigesima sexta Martii, anno domini miljesimo sexcentesimo sexagesimo, regnorum nostrorum Romani secundo, Hungariae et reliquorum quinto, Bohemiae vero quarto Leopoldus m. p. Georgius Szelepcheny, m. p. archiepiscopus Colocensis. Andreas Ruthkay m. p. Originale membraneum. In zona sericea flaui, albi et rubri coloris dependet sigillum. In archivo reg. et. lib. civitatis Crisiensis. X. Anno 1661. 9. Aprilis. Viennae. Superior et inferior civitas Crisiensis in unam regiam et liber am civitatem uniuntur. Nos Leopoldus dei gratia electus Romanorum imperator semper Augustus, ac Germaniae, Hungariae, Bohemiae, Dalmatiae, Croatiae, Sclauoniae, Ramae, Seruiae, Galliciae, Lodomeriae, Cumaniae, Bulgariaeque etc. rex, archidux Austriae, dux Burgundiae, Brabantiae, Styriae, Carinthiae, Carniolae, marchio Morauiae, dux Lucemburgae ac su-