VJESTNIK 3. (ZAGREB, 1901.)

Strana - 234

234 Kad su se oni tak vozili je sve to plebanoš pripovedal svojemu kučijašu. Kada je kučijaš Čul pripovedati o tom Martinu Luteru, strašno se je prestrašil i molil je plebanoša, da naj njega oprosti od toga i naj mu da, da on slobodno negdi vu šumi počeka plebanoša, kajti da on ne vufa iti blizu tak strašnoga človeka, za kojega je čul pripovedati, da je ljude lovil i da ih je strašno mučil, i kad več nisu nikaj mogli, ih je zaklal, a onda im je glave vu jednu Škrinju bacal, a telo im je pojel. Ali plebanoš mu ni dopustu, da bi on ostal vu Šumi, kajti se je bojal, da ga od straha nebi ostavil, zato je moral iti sluga snjim k varošu. Kad su se ovi dva dopelali do varoša, videl je on, plebanoš, koj je bil tu još kak dijak, jen potok pun krvi, koji se je napunil od krvi Martina Lutera, kajti kak je on klečeć . hodil 7 let okolo grada furt mu je od rane na koleni curela krv i nacurelo je tolko krvi, da je potok postal pun krvi. Na jedanput opazi plebanoš na sredi potoka jednu človječju glavu na kojoj je zlatnimi slovi pisano: „Velik je grešnik bil, svoje grehe je ispovedil, pokoro je zvršil, pak je zato vu nebo primit bil". III. Ne daj dušu za peneze! Jen put je bil jen jako siromašen človek i bil je oženjen. Jen put je išel on vu zimi vu šumu drva brat. Kak je on jenput tak bral i več si je dosta nabral i štel je več, da si zdigne na rame i da bi dimo diŠel, ali nato spazi on jednoga človeka za sobom stati. On se je na prvi mah njega malo zestrašil, jer je bil čudno oblečen i zgledal je kak tolovaj. Siromak je štel se tam ostaviti i odbejžati, ali mu je tolovaj rekel naj ne beži, da mu on ne bu nikaj napravih Siromak je stal i nije odbejžal. Toti tolovaj ga je pital jeli bi ga on mogel ovo noć zeti na kvanter. Siromak mu je rekel, da ga drugdi nema de zeti na kvanter nego ako oče na štali spati. Tolovaj mu je odmah rekel, da je dobro, da bu on spal de gut, samo da ovo noć negdi prespi. Toti mu je tat onda išče pomal nositi drva dimo. Da su oni dojšli dimo odmah mož veli ženi, naj im napravi večeru pa da idu odmah spat, jer su jako trudni. Ženi ne bilo to malo po voli, ali itak im je fčasi skuhala žgance pa im je dala za večeru. Oni su se lepo navečerali i saki je dišel na svoju mestu spat. Kak je ov tolovaj tak spal, na jenput okoli pol noći začuje on kak nešče kre njega po slami ide i javče. On se nato strašno prestraši i opal je vu meglovicu. Za kratek cajt se je stopram zbudil i počel od straha kričati. Muž je vu hiži spal ali se je na krič zbudil i odmah je dobežal u pomoč totomu človeku. Ali on ne nikaj vêde, pa je pital človeka, kaj je tak kričal. Onda mu je človek povedal da je nekaj hodilo po štali kraj njega. Muž se odmah zmislil pa mu veli, ni to nikaj novoga, jer da sim hodi sako noć nekŠna duša pa da se furt plače i jafče, pak da kriči „Martin Luter ve ti meni pomori". Kak je ov človek čul reči „Martin Luter", odmah seje strašno prestrašil i čist je pobledel. Ov je najmeč bil sam Martin Luter i on je nekšno novo veru navučal i tak je luđem, Šteri nesu šteli njegovu veru prijeti, dal čuda penez pa tak ih je dobil za svoju veru.