VJESTNIK 3. (ZAGREB, 1901.)

Strana - 235

235 Vu ono vreme je ravno bil jen siromašni človek pa je bil tak siromašen, da je vmiral od glada. Jednoga je dneva on tak strašno lačen išel po jednem mestu pa je videl, kak se okoli jednoga človeka čuda ludi zišlo, pa je i on išel onda knjim pak mislil, da ov človek peneze deli. Kak je ov človek došel malo bliže, odmah stane Martin Luter pred njega pa mu veli, ako bu njega poslušal i sledil da bu imel furt penez. Siromak je to komaj dočekal pa mu odmah veli da oče njega slediti. Ov je človek ne dugo jako zbetežal pa je za kratak cajt i vmrl. Ov je človek ravno bil japa onoga siromašnoga muža, kojemu je došel tolovaj spat. Ov človek je zato, da je Kristušuvu veru zbog penez zatajil, došel vu pekel, a njegova je duša saku noć hodila na tu štalu plakat. Martin se Luter jako prestrašil i odmah je išel k najbližišcmu plebanušu pa se je spovedal i prečestu, pa je dugo cajta délai pokoru za svoje grehe a najzadnič je vu nebo došel. IV. Vekivečni hrast. Jenput ti je bil vu jednoj šumi jeden strašno veliki i debeli hrast. Okoli toga hrasta je bil mali prostor, na kojem nije bilo nikaj drugo nego lepa zelena travica. Jednoga dneva je ravno vu onoj šumi jen stari pastir pasel jako čuda ovce i ovce su se lepo saka na svojem kraju pasla. Starec nije znal kaj bi délai. Imal je kak i si pastiri vu onem kraju pri sebi jednu žveglu, pa si je pod on veliki hrast na ono lepo zelenu travu sel pa si je lepo počel vu žveglu igrati. Kad si je on tak lepo igral i najlepŠe zabavlal, na jenput opazi on jednoga človeka, koj se ravno proti onomu hrastu naputil. Kad je taj človek došel bliže, starec se je strašno jako prestrašil, jer toga človeka on nije nigdar videl, a strašno je zgledal. Na jenput se starec zmisli, da je on negda b takšnem človeko čul negda pripovedati. To ti je bil človek jako velik i bil ti je oblečen vu nekšnu belu halu, imel je crne lasi kak vuglen, a gledal je strašno čemerno tak, da bi se človek njegovoga migna bole zestrašil, nego česa got drugoga. Ov človek da je bil strah i trepet sim ludern. To je bil po pripovedanju človek, koj je navočaval novu veru. Taj novoverec se je pak zval Martin Loter. Toti je Martin Loter, kak nešterni ludi govoriju, dok je bil mladi, strašno pobožen bil, ali kad je malo ostarel onda je nekak došel vu hmanju sesiju pa se je jako pokvaril. I tak je jednoga dneva ovaj človek došel vu jednu šumu i ravno pod jen veliki hrast. Ov človek jer je bil od hoda jako ftrudjen pa se je sel pod toti hrast da si počine. Kad je tak sedel i nekaj razmiŠljaval, na jenput ga je prijel drem i on je zaspal. Kad je on tak najlepše spal i lepo senjal, na jenput se iz jednoga grma, koj nije bil daleč od hrasta zdigne jeden duh. Taj duh je imal samo nešterno las na glavi a brada mu je bila tak duga da mu se je zapletala vu grmu. Gda je ov duh več zišel iz totoga grma i par korakov dale dišel, onda najenput stane pa zakrići „Martin!!" Martin Loter se na ov strašen glas zbudi i od straha bi skorem opal vu meglovicu.' Za kratek cajt da se je Martin Loter nazaj streznil, pital je duha kaj žnjim oče. Duh je na to rekel: „Za kaštigu da si proti Bogovoj voli govoril drugu novu veru i jako zbantuval gospona Boga a išče bole samoga Jezuša Kristuša, za