VJESTNIK 3. (ZAGREB, 1901.)

Strana - 233

233 Logar odmah pristane na to, jer je bil u velikoj stiski. Stari gospon mu odmah zeme van iz zdenca zlatnu kupicu i da mu ju, osim toga mu je još dal strašno punu zlata i dragog kamenja. Kad je logar došel doma, čul je da mu je žena rodila sina i on je odmah vudrl strašno plakati i bil je jako i jako žalosten. Žena ga je pitala kaj mu je, da je tak žalosten i on joj sve izpripove i obadva su se jako žalostili. Za sedam let došel je on gospon po ono, kaj je pred 7 let kupil od logara. Logar mu nikak ni štel dati sina, neg je izprosil od vraga, da ga još 7 let pustil kod oca. Kad je god kaj daval sinom, se ni plakal, samo kad je prodanomu sinu daval se uvek strašno plakal. Kad je prodani sin već vu školu išel, upita oca svoga, zakaj se uvek plače kad mu kaj daje. Iza duge i duge prošnje mu otec itak pove kak ga je on prodal več pred puno let. Kad je več prodani sin bil vu crnoj školi dojde po njega pak vrag, ali mu nikaj nije mogel, kajti je ernoškolec uvek sobom nosil tamjan i sveto vodu, pak da mu je vrag kaj štel, onda je on počel svetom vodom škropiti i s tamjanom kaditi. Kad bi on več moral služiti svetu misu, reče mu biskup, da ne smije prije služiti misu, dok mu od onoga istoga vraga ne donese odkupljenje. Kad je crni zapisani dijak išel vu pekel po odkupljenje, dojde on najprije u jednu strašno veliku šumu. Kad je on dugo putoval po šumi, dojde vu jedan strašno veliki i Iepi varoš. Crni zapisani dijak nij mogel odmah nutri, kajti su velika vrata bila zaprta, nego je moral zazvoniti. Kad je zazvonil dojde jedna jako stara baba vrata otvarat i odmah mu je rekla, da nek neide u grad drugač bu išće danas pojeden od strašnoga njezinoga sina Martina Lutera. Dijak se ne dal nagovoriti, da nebi išel vu varoš, več je išel s babom nutri. Stara gaje baba odmah skrila pod postelu. U pol noči čuje dijak strašen štropot i odmah je znal, da dolazi hajduk Martin Luter. Kad je došel nutri odmah je rekel svojoj mami, da tu nutri mora biti jedna kršćanska duša. Počeli su preiskivati i našli su ga pod postelom. Kad mu je crni dijak se pripovedal kak je došel sim, reče mu Martin Luter, da naj i za njega izpita vu peklu kakva ga kaštiga čeka. I pripove on dijaku, da mu je jeden duh rekel, da bu on mogel samo kroz popa zaznati za svoju kaštigu. Kad je dijak došel vu pekel, odmah je počel svetom vodom škropiti i tamjanom kaditi tak, da je vrage vu takvu nepriliku natiral, da su mu odmah dali odkupljenje. Kad je dobil odkupljenje, onda ih pita, kakva kaštiga Čeka Martina Lutera, oni su mu morali povedati, da ako se nebu poboljša!, da kad umre, da ga budu privezali na četiri konje, i da budu ga ovi raztezali. Kad je crni dijak to se seznal otide on nazaj k Martinu Luteru i sve mu pripove kak je čul od vragov. Kad je čul Martin Luter za te strašne muke, tak se prestraši, da ga je odmah molil, da ga naj spove i pričesti, da bi se mogel zveličiti. Ovaj dijak mu je rekel, da ga on more spovedati, ali da ga nemre pričestiti, kajti još ne bil redjen za popa i veli mu, da bu došel vu taj varoš onda gda bu več jedanput redjen za popa, i mu je rekel za pokoru, da mora tak dugo klečeč okoli toga varoša hoditi, dok on ne dojde, da ga pričesti. Crnoškolec se vesel povrne dimo, kaj je dobil odkupljenje i bil je odmah od biskupa redjen za meŠnika. Biskup mu je dal najbogatešu faru vu celoj njegovoj biskupiji. Kad je njemu najlepše išlo, zmisli se on Martina Lutera i odmah je rekel slugi, da naj zapregne Četiri konje, i odpelal se je vu on varoš. 16