VJESTNIK 3. (ZAGREB, 1901.)

Strana - 231

231 kaj bi počel. Žena mu rodi sina i taj dečec je lepo rastel do sedmoga leta. Kad je navrŠil 7 let dojde več vrag, kakti onaj starec po njega, kak su se bili pogodili i pokuca na oblok. Kad mu ga roditelji nikak nisu hteli dati, otide vrag i veli, da to niŠ ni za to, ako mu ga sada još ne daju, da ga bu on več dobil, kajti on mu je zapisan. Drvaru pak i njegovoj obitelji išlo je čisto dobro i taj dečko je iŠel več u škole. A kad bi mati ili otec kruh rezali, svakomu detetu su ga veselo davali, a kad je na njega red došel zmir su se začeli plakati, da mu ga ne buju dugo davali. Kad je bil još mal i bedast ni niš znal, kaj je to s njim i ni niti niš pital. Kad je pak več išel vu velike škole i postal več.pameten, uvek je pital roditelje, da zakaj se navek plačeju, kad mu kruh režeju. Roditeli su mu s početka sve tajili, da se ne bi on preveč žaloval, a kad je bil već crni dijak, onda su mu povedali, da je vragu zapisan i rekli mu, nek se furt moli i nosi pri sebi svetih stvari, da ga ne bi kad vrag odnesel. Onda je on navek i navek jako molil i došel je več vu školi tak daleko, da bi moral služiti prvu svetu mašu. Prve svete maše pak ni mogel služiti, kad je bil vragu zapisan, pak je išel k biskupu i pital ga je kak bi se mogel vraga resiti, da bi mogel postati pop i služiti prvu svetu mašu. Onda mu biskup pove, da mora on iti vu pekel i od onoga vraga, kojemu je zapisan, donesti onaj papir, gdi je on zapisan. Onda vzeme taj crni dijak sobom tamjana, svete vode i drugih svetih stvarih pak otide iskati pekel. Išel je išel i došel je vu jednu crnu šumu po noči i ni mogel nikak z nje van ziti. Onda on vender vidi zdaljine luč i otide ktoj luči i dojde do jedne velike hiže. Onda ide on vu tu hižu i ide kroz prvu sobu i ne najde nikoga živoga, sve je bilo prazno, tak bilo je i u drugoj. Kad je pak došel vu treču, najde on tam jednu staru babu, koja začme plakati i jaukati, pak mu veli: nesretni mladi človek, kaj si sim zašel, kaj ne znaš, da je to hiža groznoga harambaše Martina Lutera, koji bu taki došel svojimi hajduki i mam te buju raztrgli i pojeli. I rihtig za čas čujeju več ropotanje i krič po hiži. Onda se prestraši mladi pop i veli onoj babi nek ga kam brže skrije, da ga hajduki ne najdeju. Baba ga skrije pod korito. Čim je harambaša Martin Luter došel vu hižu mam zakriči: čuješ mama, tu krst diši, kaži mi gdi je. Ona pak ni htela povedati i rekla je, da nema krštene duše vu hiži, a hajduki joj nisu hteli verovati, neg su začeli hižu preiskavati. Posle dugoga i dugoga iskanja najdeju ga oni pod koritom i zvlečeju van. Kad je pak harambaša videl, da je on pop, ni ga dal vubiti, nego ga je pital, da kam on ide. Onda mladi pop pove kam ide i po kaj ide. Onda ga upita harambaša, bi li ga on htel spovedati. On veli zakaj ne i počel ga je spovedati. Harambaša Martin Luter mu veli, da ni niš drugoga naredil, neg samo toliko ljudi poubijal i posekal, da bi iz njihovih glav moči narediti hižu takvu, kakva je njegova. Onda mu veli harambaša, da kad bu došel vu pakel naj pogledi, kakve kazne su za njega priredjene. Onda je još hotel, da ga taj crni dijak pričesti, ali taj ni mogel, kad još ni bil pravi pop. Kad je drugi dan odišel taj crni dijak iz te hajdučke hiže, pital je harambašu za put vu pekel. Harambaša mu veli, nek ide jen čas samo ravno i da bu skoro došel. Ide sad crni dijak, ide i skoro dojde pod peklenska vrata, a kud ide škropi i kadi sve na okolo. Kad je već došel na peklenska vrata i začel tam škropiti s svetom vodom, svi su se vragi jako prestrašili i začeli od straha na sve kraje bežati i kričati. Onda kad on nikak ni prestal Škropiti na